សមត្ថកិច្ចក្រុងបាត់ដំបងឃាត់ខ្លួនជនសង្ស័យម្នាក់ដកហូតអាវុធខ្លីមួយដើមរួមនិងថ្នាំញៀនមួយចំនួន
បាត់ដំបង៖ កម្លាំងនគរបាលការិយាល័យប្រឆាំងគ្រឿងញៀន សហការណ៍ ជាមួយកម្លាំងនគរបាលនៃអធិការដ្ឋាននគរបាលក្រុងបាត់ដំបង ចុះបង្រ្កាបករណីជួញដូរនិងរក្សាទុកនូវសារធាតុញៀនខុសច្បាប់
ប្រតិបត្តការណ៍បង្ក្រាបនេះបានធ្វើឡើងនៅវេលាម៉ោង០៨និង១០នាទីយប់ថ្ងៃទី០៦ខែឧសាភាឆ្នាំ២០២០ ចំណុច ភូមិវត្តលៀប សង្កាត់ចំការសំរោង ក្រុងបាត់ដំបង ខេត្តបាត់ដំបង ។
សមត្ថកិច្ចបានអោយដឹងថាជនសង្ស័យដែលឃាត់ខ្លួនមានឈ្មោះ ប៊ុន សារិនកក្កដា ភេទប្រុសអាយុ៤៣ ឆ្នាំរស់នៅភូមិវត្តលៀប សង្កាត់អូរចារ ក្រុងបាត់ដំបង ខេត្តបាត់ដំបង។
ចំណែកវត្ថុតាងចាប់យកបានរួមមាន៖
១-ថ្នាំញៀនប្រភេទមេតំហ្វេតាមីនម៉ាទឹកកក ICEចំនួន០១ថង់ ទម្ងន់១០០,១៨ក្រាម
២-អាវុធខ្លីចំនួន០១ដេីមប្រេីហ្កាស់បាញ់គ្រាប់កង់
៣-ទូរស័ព្ទដៃចំនួន០១គ្រឿង
៤-សៀវភៅបញ្ជីសម្រាប់ទូទាត់ចំនួន០១
៥-ដែកកេះចំនួន០២ជាសម្ភារ:សម្រាប់ជក់គ្រឿងញៀន។
បច្ចុប្បន្ន ជនសង្ស័យរួមនិងវត្ថុតាងត្រូវបានសមត្ថកិច្ចធ្វើការសាកសួរដើម្បីកសាងសំណុំរឿងបញ្ជូនទៅតុលាការចាត់ការបន្តតាមផ្លូវច្បាប់៕
