ជនសង្ស័យម្នាក់ត្រូវនគរបាលខេត្តបាត់ដំបងឃាត់ខ្លួនពាក់ពន្ធ័ករណីដួញដូរគ្រឿងញឿន
បាត់ដំបង៖ ដោយអនុវត្តតាមការដឹកនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគបាលខេត្តបាត់ដំបង នៅវេលាម៉ោង២និង០០នាទីរសៀលថ្ងៃទី៧ខែឧសភាឆ្នាំ២០២០នេះ កម្លាំងនគរបាលការិយាល័យប្រឆាំងគ្រឿង ញៀននិងកម្លាំងអន្តរាគមន៍ប្រឆាំងបទល្មេីសនៃស្នងការដ្ឋាននគរបាលខេត្តបាត់ដំបង បានចុះបង្ក្រាបការជួញដូរនិងចែកចាយគ្រឿងញៀនខុសច្បាប់ដោយឃាត់ខ្លួនជនសង្ស័យម្នាក់ដកហូតគ្រឿងញៀនមួយចំនួន។
ប្រតិបត្តការនេះធ្វើឡើងនៅចំណុចភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង ។
សមត្ថកិច្ចបានអោយដឹងថាជនសង្ស័យដែលឃាត់ខ្លួនមានឈ្មោះ ហ៊ាន រតនា ភេទប្រុសអាយុ២៤ឆ្នាំរស់នៅភូមិអញ្ចាញសង្កាត់អូរចារ ក្រុងបាត់ដំបង ខេត្តបាត់ដំបង។
ដោយឡែកវត្ថុតាងចាប់យកបានរួមមាន៖
១-ថ្នាំញៀនប្រភេទមេតំហ្វេតាមីនម៉ាទឹកកក ICEចំនួន០៣ថង់ ទម្ងន់២០,០៨ក្រាម
២-ថ្នាំញៀនប្រភេទមេតំហ្វេតាមីនយ៉ាម៉ា WY ចំនួន១០គ្រាប់ទម្ងន់១,០៤ក្រាម
៣-ជញ្ជីញសម្រាប់ថ្លឹងថ្នាំញៀនចំនួន០១និងដែកកេះចំនួន០១
បច្ចុប្បន្ន ជនសង្ស័យរួមនិងវត្ថុតាងត្រូវបានសមត្ថកិច្ចធ្វើការសាកសួរដើម្បីកសាងសំណុំរឿងបញ្ជូនទៅតុលាការចាត់ការបន្តតាមផ្លូវច្បាប់៕
