បើកម៉ូតូឆ្លងផ្លូវមិនប្រយ័ត្ន ត្រូវរថយន្តបុក ពេពេញទំហឹងបណ្ដាលឲ្យស្លាប់ឯម៉ូតូឆេះខ្ទិច
ភ្នំពេញ ៖ រន្ធត់ណាស់ បុរសម្នាក់ត្រូវរថយន្តធន់ធំបុកនិងកិនបែកក្បាលស្លាប់ យ៉ាងអាណោចអធម៌ បន្ទាប់ពីបុរសរងគ្រោះជិះម៉ូតូឆ្លងផ្លូវខ្វះការប្រុងប្រយត្ន័
ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោងម៉ោង០៨ និង៣០នាទីយប់ថ្ងៃសុក្រទី៨ ខែឧសភា ឆ្នាំ២០២០ នៅតាមបណ្ដោយផ្លូវជាតិ លេខ១ ត្រង់ចំណុចមុខវត្ត ទួលអំពិល ក្នុងភូមិតាព្រហ្ម សង្កាត់ ព្រែកឯង ខណ្ឌច្បារអំពៅ រាជធានីភ្នំពេញ។
ជនរងគ្រោះដែលស្លាប់មានឈ្មោះ គុណ សុភាព ភេទប្រុស អាយុ២៨ឆ្នាំ ជនជាតិខ្មែរ មុខរបរជាងដែក ស្នាក់នៅកន្លែងធ្វើការ មានស្រុកកំណើតនៅភូមិខ្ចារ ឃុំបារាយ៏ ស្រុកស្រីសន្ធរ ខេត្តកំពង់ចាម។
យោងតាមប្រភពព័ត៌មានពីប្រជាពលរដ្ឋដែលឃេីញហេតុការណ៍បាន ប្រាប់ឲ្យដឹងថា ដំបូងគេឃេីញបុរសរងគ្រោះជិះម៉ូតូមួយគ្រឿងម៉ាកហុងដា ឌ្រីមC125ស៊េរីឆ្នាំ២០២០ ពណ៌ខ្មៅ ពាក់ស្លាកលេខកំពង់ចាម1W-3236 ដោយធ្វេីដំណេីរតាមបណ្ដោយផ្លូវបេតុង ទិសដៅពីជើងទៅត្បូងខណៈមកដល់ ចំណុចកេីតហេតុខាងលើក៏បាន បត់ឆ្វេងឆ្លងផ្លូវ ក៏ស្រាប់តែមានរថយន្ត កុងតឺន័រ មួយគ្រឿងមិនចាំស្កាកលេខ ធ្វេីដំណេីរ តាមបណ្ដោយផ្លូវជាតិលេខ១ ទិសដៅពីលិចទៅកេីត ក្នុងល្បឿនលឿន ជាន់ហ្វ្រាំងមិនទាន់ក៏ជ្រុលទៅបុក ម៉ូតូជនរងគ្រោះចំពី ចំហៀងពេញទំហឹង បណ្ដាលឲ្យបុរសជាម្ចាស់ម៉ូតូបែកក្បាលស្លាប់ភ្លាមៗ ហើយរថយន្តបានកិនម៉ូតូអូសជាច្រើនម៉ែត្របណ្តាលឲ្យឆាបឆេះតែ ត្រូវបានប្រជាពលរដ្ឋយកបំពង់អគ្គីភ័យមកបាញ់ឲ្យរលត់ទៅវិញ តែម៉ូតូខ្ទិចមើលលែងយល់។ ចំណែកឯរថយន្តកុងតឺន័របានបើករត់គេចបាត់ស្រមោល។
ក្រោយពេលកើតហេតុសមត្ថកិច្ចជំនាញចរាចរណ៏ចុះមកវាស់វែងនិង យកម៉ូតូជនរងគ្រោះទៅរក្សាទុកបណ្ណោះអាន្ន និងបានធ្វើកំណត់ហេតុ ប្រគល់សព ឲ្យសាច់ញាតិយកទៅស្រុកកំណើតធ្វើបុណ្យតាមប្រពៃណី៕
