នគរបាលឃាត់ខ្លួនជនសង្ស័យម្នាក់រួមនិងថ្នាំញៀនមួយចំនួន
បាត់ដំបង៖ កម្លាំងនគរបាលក្រុងបាត់ដំបង ដោយអនុវត្តតាមការណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង បានចុះបង្ក្រាបបទល្មើសគ្រឿងញៀនជាក់ស្ដែងដោយឃាត់ខ្លួនជនសង្ស័យបានម្នាក់ដកហូតថ្នាំញៀនមួយចំនួន។
ប្រតិបត្តការណ៍នេះបានធ្វើឡើងនៅវេលាម៉ោង០៣និង៤៥នាទីរសៀលថ្ងៃទី១០ខែឧសភាឆ្នាំ២០២០ ចំណុចក្រុមទី០៦ ភូមិវត្តគរ សង្កាត់ វត្តគរ ក្រុងបាត់ដំបង ខេត្តបាត់ដំបង។
សមត្ថកិច្ចបានអោយដឹងថាជនសង្ស័យដែលឃាត់ខ្លួនមានឈ្មោះ លី អុីសា ហៅ ពាង ភេទប្រុសអាយុ ៣២ឆ្នាំ ទីលំនៅ ភូមិណាកាឆាយ ឃុំកូប ស្រុកអូរជ្រៅ ខេត្តបន្ទាយមានជ័យ ស្នាក់នៅបណ្តោះអាសន្ន ក្រុមទី០៦ ភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង ។
វត្ថតាងដកហូតរួមមាន៖ -ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន ១៥ថង់ (ធំ១១ថង់ តូច០៤ថង់) ទម្ងន់ ១,០៣៤,២០ក្រាម ទាំងសំបកសង័្សយជាសារធាតុញៀនប្រភេទមេតំហ្វេតាមីនម៉ាទឹកកកICE
-ម្សៅពណ៌សសង័្សយជាសារធាតុញៀនប្រភេទកេតាមីនចំនួន ០១កូនថង់
-សារធាតុរាវចំនួន៣កូនដបសង្ស័យជាសារធាតុញៀន
-កូនជញ្ជីងសំរាប់ថ្លឹងថ្នាំញៀនលក់ចំនួន០១
-ទូរសព្ឌ័ដៃចំនួន០១គ្រឿង
-កូនកាបូបសំរាប់ដាក់ប្រាក់ពណ៌ទឹកប៊ិចចំនួន០១
-ប្រាក់រៀលចំនួន៣០ម៉ឺនរៀល
-ម៉ូូតូចំនួន០១គ្រឿង ម៉ាកអុិចសេចទ័រ ពណ៌សលាយខ្មៅ គ្មានស្លាក់លេខ លេខតួ និងលេខម៉ាស៊ីន៥៨៨៨១១។
បច្ចុប្បន្ន ក្រោយពេលសាកសួរ រួចរាល់ជនសង្ស័យ និងវត្ថុតាង ត្រូវបាននគរបាលក្រុងបាត់ដំបងកសាងសំណុំរឿងបញ្ជូនទៅការិយាល័យជំនាញចាត់ការតាមនីតិវិធីច្បាប់៕
