សម្តេចក្រឡាហោម ស ខេង ព្រមានឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ លើកទី០១ មូលហេតុ «ខ្វះការយកចិត្តទុកដាក់លើការគ្រប់គ្រងនិងដឹកនាំ»
ភ្នំពេញ៖ យោងតាមប្រកាសរបស់ សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលទើបត្រូវបានផ្សព្វផ្សាយជាសាធារណៈ នៅថ្ងៃទី១២ ខែឧសភា ឆ្នាំ២០២០ នេះបានអោយដឹងថា សម្តេចក្រឡាហោម ស ខេង កាលពីថ្ងៃទី២៦ ខែមីនាឆ្នាំ២០២០ កន្លងទៅ ៖ ប្រការ១-បានសម្រេចអនុវត្តវិន័យក្រោមរូបភាព «ព្រមានលើកទី១» ចំពោះឧត្តមសេនីយ៍ទោ អ៊ុក កុសល អត្ថលេខ ០៣៥៥២ ស្នងការ នៃស្នងការដ្ឋាននគរបាលខេត្តកំពង់ធំ ។ ដោយសារមូលហេតុ «ខ្វះការយកចិត្តទុកដាក់លើការគ្រប់គ្រងនិងដឹកនាំ»។
សេចក្ដីសម្រច បានបញ្ជាក់ក្នុងប្រការ២ ថា ៖ សាមីខ្លួនដែលមានឈ្មោះ ក្នុងប្រការ១ - ត្រូវកែប្រែនូវកំហុសឆ្គង និង របៀបរបបការងារដឹកនាំឲ្យបានត្រឹមត្រូវ ។ ក្នុងករណីនៅតែប្រព្រឹត្តផ្ទុយពីការណែនាំទៀតនោះ និងចាត់វិធានការតាមវិន័យ របស់កងកម្លាំងនគរបាលជាតិ ។ 
