នគរបាលប៉ុស្តិចាក់អង្រែលើឃាត់ខ្លួនជនសង្ស័យម្នាក់ពាក់ពន្ធ័ករណីគ្រឿងញៀន
ភ្នំពេញ ៖ ជនសង្ស័យម្នាក់ ត្រូវបានកម្លាំងនគរបាលប៉ុស្តិចាក់អង្រែលើ ធ្វើការឃាត់ខ្លួនដកហូតថ្នាំញៀនបានមួយចំនួន ខណៈកម្លាំងនគរបាលចុះល្បាតក្នុងមូលដ្ឋាន
ហេតុការណ៍ឃាត់ខ្លួននេះបានធ្វើឡើងកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី១៥ខែឧសភាឆ្នាំ២០២០ នៅចំណុចសំណង់មិនរៀបរយ ក្នុងភូមិព្រែកតាឡុង សង្កាត់ចាក់អង្រែលេី ខណ្ឌមានជ័យ រាជធានីភ្នំពេញ។
ជនសង្ស័យមានឈ្មោះ ចក់ រ៉ាវី ភេទ ប្រុស អាយុ ២៦ឆ្នាំ មុខរបរ មិនពិតប្រាកដ មានស្រុកកំណេីត នៅភូមិបេង ឃុំថ្មពូន ស្រុកកញ្ច្រៀច ខេត្តព្រៃវែង ។
លោកវរសេនីយ៍ត្រី អុំ រតនា នាយប៉ុស្តិ៍ចាក់អង្រែលេី បានឲ្យដឹងថា មុនឈានដល់ការឃាត់ខ្លួនជនសង្ស័យខាងលេីនេះ ដោយអនុវត្ថតាមការបញ្ជាផ្ទាល់ពីលោកវរសេនីយ៍ឯក ម៉េង វិមានតារា អធិការដ្ឋាននគរបាលខណ្ឌមានជ័យ កម្លាំងប៉ុស្តិ៍នគរបាលរដ្ឋបាលចាក់អង្រែលេី បានចុះល្បាតក្នុងមូលដ្ឋាន ខណៈមកដល់ចំណុចកេីតហេតុក៏បានប្រទះឃេីញជនសង្ស័យឈ្មោះ ចក់ រ៉ាវី កំពុងឈរលក់ថ្នាំញៀនតាមទីសាធារណៈ ទើបកម្លាំងសមត្ថកិច្ចឃាត់ខ្លួនឆែកឆេរកឃើញថ្នាំញៀនចំនួន២កញ្ចប់ រួចក៏នាំយកមកសួរនាំនៅប៉ុស្តិនគរបាល ចាក់អង្រែលើតែម្ដង ។
បច្ចុបន្បន្នជនសង្ស័យរួមទាំងវត្ថុតាងត្រូវបានសមត្ថកិច្ចធ្វើកំណត់ហេតុបញ្ជួនទៅកាន់អធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់ការតាមនីតិវិធី៕
