នគរបាលឃាត់ខ្លួនចោរម្នាក់ជំនាញគាស់ផ្ទះប្រជាពលរដ្ឋលួចឡាននិងម៉ូតូ
ភ្នំពេញ៖ កម្លាំងនគរបាលប៉ុស្តិ គោកឃ្លាំងធ្វើការឃាត់ខ្លួនជនសង្ស័យម្នាក់ជំនាញខាងគាស់ផ្ទះរបស់ប្រជាពលរដ្ឋ ម៉ូតូឡាន
ហេតុការណ៍ឃាត់ខ្លួននេះបានធ្វើឡើងកាលវេលាម៉ោង០៥និង២០នាទីទាបភ្លឺ ថ្ងៃទី១៤ខែឧសភាឆ្នាំ២០២០ នៅចំណុចផ្ទះលេខ៥៧ ផ្លូវបេតុង ក្រុម១ ភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
ជនសង្ស័យមានឈ្មោះ ឡា តា ភេទប្រុស អាយុ៣២ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះជួលលេខ១៨០ ផ្លូវជាតិលេខ៥ ភូមិបឹងឈូក សង្កាត់គីឡូតិ៍ម៉ែត្រលេខ៦ ខណ្ឌឬស្សីកែវ (មានសារធាតុញៀន) បានធ្វើសកម្មភាពលួចគាស់ទ្វាផ្ទះជនរងគ្រោះនៅចំណុចផ្ទះលេខ៥៧ ផ្លូវបេតុង ក្រុម១ ភូមិដំណាក់ សង្កាត់គោកឃ្លាង ខណ្ឌសែនសុខ ។ សម្ភារៈបាត់បង់ ម៉ូតូ០១គ្រឿង ម៉ាកនិចពណ៌ខៀវលាយស ផលិតឆ្នាំ២០១៨ ពាក់ស្លាកលេខភ្នំពេញ1HB-4710, សម្ភារៈបន្សល់ទុក រថយន្ត០១គ្រឿង ម៉ាកឡិចស៊ីសRX៣០០ ពណ៌ស ផលិតឆ្នាំ២០០៤ ពាក់ស្លាកលេខភ្នំពេញ2AD-7263 ។
ជនរងគ្រោះមានឈ្មោះ យ៉ាន ម៉េងហៃ ភេទប្រុសអាយុ៣២ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខ៥៧ ផ្លូវបេតុង ក្រុម១ ភូមិដំណាក់ សង្កាត់គោកឃ្លាង ខណ្ឌសែនសុខ ។
បច្ចុប្បន្ន ជនសង្ស័យឃាត់និងឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌសែនសុខ ដើម្បីធ្វើការសាកសួរនិងកសាងសំណុំរឿងចាត់ការបន្តតាមនិតិវិធីច្បាប់ ៕
