ចោរឆក់បានសម្រេចទៀតហើយនៅខណ្ឌដូនពេញ

ភ្នំពេញ៖ ស្ត្រីម្នាក់ជិះម៉ូតូចេញពីផ្ទះទៅធ្វើការដល់ពាក់ កណ្ដាលផ្លូវត្រូវចោរឆក់កាបូបបានសម្រេចរួចជិះម៉ូតូគេចខ្លួនបាត់ស្រមោល
ហេតុការណ៍នេះកើតឡើងកាលពីវេលាម៉ោង០៥និង ៥០នាទីព្រឹកថ្ងៃទី១៤ខែសីហាឆ្នាំ២០១៨ នៅតាមបណ្ដោយផ្លូវ សុីសុវត្ថិ ជាប់និងរបងមន្ទីរពេទ្យ (កេតុមាលា) ស្ថិតក្នុងសង្កាត់ស្រះចក ខណ្ឌដូនពេញ ។

បើតាមសម្ដីស្ត្រីរងគ្រោះបានឲ្យដឹងថា មុនពេលកើត ហេតុរូបគាត់បានជិះម៉ូតូ១គ្រឿងម៉ាកWAVEចេញពីផ្ទះ នៅម្ដុំទួលសង្កែដោយធ្វើដំណើរតាមបណ្ដោយផ្លូវ សុីសុវត្ថិទិសដៅពីជើងទៅត្បូងដំណងទៅធ្វើការនៅធនាគា ខណៈមកដល់ចំណុចកើតហេតុខាងលើស្រាប់ តែជនសង្ស័យ២នាក់ជិះម៉ូតូ១គ្រឿងមិនចាំម៉ាកមកអែប រួចធ្វើសកម្មភាពឆក់កាបូបស្ពាយរបស់គាត់បាន សម្រេចរួចក្រុមចោរជិះម៉ូតូគេចខ្លួនបាត់ស្រមោលធ្វើឲ្យម៉ូតូរបស់គាត់ដួលបណ្ដាលឲ្យគាត់រងរបួសរលាត់ដៃជើង ។ ចំណែកទ្រព្យសម្បត្តិនៅក្នុងកាបូប ដែលក្រុមចោរ ឆក់យកទៅបាត់នោះមាន៖ ប្រាក់ដុល្លាជាងមួយរយនិងទូរសព្ទ័១គ្រឿងរួមទាំងសភារៈ ១ចំនួន ទៀត ។

ក្រោយពេលកើតហេតុស្ត្រីរងគ្រោះបានត្រឹមតែឈរ សោកស្ដាយព្រទ្យរបស់និងបានតេហៅបងប្រុសឲ្យមកដឹកទៅដាក់ពាក្យបណ្ដឹងនៅប៉ុស្តិនគរបាលស្រះចកតែប៉ុណ្ណោះ ៕