រថយន្ត៣គ្រឿងបុកបន្តកន្ទុយគ្នាបណ្ដាលឲ្យមនុស្សម្នាក់បានស្លាប់និង៧នាក់ទៀតរបួសធ្ងន់ស្រាល
ភ្នំពេញ ៖ យ៉ាងហោចណាស់បុរសម្នាក់បានស្លាប់បាត់បង់ជីវិតក្រោយបញ្ជូនទៅសង្គ្រោះនៅមន្ទីរពេទ្យ និង៧នាក់ផ្សេងទៀតបានរងរបួសធ្ងន់និងស្រាល បន្ទាប់ពីរថយន្តបីគ្រឿងបានបុកគ្នាពេញទំហឹង កាលពីវេលាម៉ោង១២និង៤០នាទីរំលងអធ្រាត្រឈានចូលថ្ងៃ ទី២៩ ខែឧសភា ឆ្នាំ២០២០ នៅត្រង់ចំណុចច្រកចូលបុរីពិភពថ្មីកំបូល ភូមិត្រពាំងគល់ សង្កាត់កន្ទោក ខណ្ឌកំបូល រាជធានីភ្នំពេញ ។
ជនរងគ្រោះដែលស្លាប់ និងអ្នករងរបួសទាំងអស់មិនមិនទាន់ស្គាល់អត្តសញ្ញាណនោះទេ។
យោងតាមសម្ដីអ្នករត់កង់បីម្នាក់ដែលឃើញហេតុការណ៍បានប្រាប់ឲ្យដឹងថា ដំបូងឡើយគាត់ឃើញរថយន្តម៉ាក KIA FRONTIER ពណ៌ខៀវ ស៊េរីឆ្នាំ២០០៤ ពាក់ស្លាកលេខ កំពង់ចាម2A-5948 ដឹកគ្រួសារបើកបរតាមបណ្ដោយផ្លូវជាតិលេខ៤ទិសដៅពីកើតមកលិច ខណៈមកដល់ចំណុចកើតហេតុខាងលើបានបត់ឆ្លងផ្លូវ ខណៈ កំពុងតែបត់ឆ្លងស្រាប់តែមានរថយន្តម៉ាកហុីយិន មួយគ្រឿង
ពណ៌ស ពាក់ស្លាកលេខភ្នំពេញ3F-3336
ដឹកមាន់ពេញ រួមដំណើរគ្នា៣នាក់បើកយ៉ាងលឿនតាមបណ្ដោយផ្លូវជាតិលេខ៤ទិសដៅពីកើតមកលិចស្របទិសគ្នាមិនបានបន្ថយល្បឿនក៏ជ្រុលទៅបុកចំកែងខាងក្រោយ រថយន្ត បណ្ដាលឱ្យរថយន្ដម៉ាកគានឹងវិលមួយជុំបណ្ដាលអោយរងរបួសធ្ងន់ស្រាលអ្នកជិះខាងក្រោយចំនួន៥នាក់ក្មេងពីរនាក់ និងមនុស្សចាស់ ៣នាក់ ហើយរថយន្តដឹកមាន់មិនទាន់អស់ល្បឿនបានជ្រុលទៅបុក រថយន្ត ហុីយិនដាយពណ៌ស ពាក់ស្លាកលេខ ភ្នំពេញ3C-5569ប្រភេទរថយន្តសណ្តោង រឺម៉កដែលចតស្ងៀមនិងចិញ្ចើមផ្លូវចំពីក្រោយបណ្ដាលឱ្យគៀបតៃកុងនិងព្រូចំនួន3នាក់ភ្លាមៗក៏មានប្រជាពលរដ្ឋនិងរថយន្តសង្គ្រោះបានគាស់យកជនរងគ្រោះទាំងបីនាក់ទៅសង្គ្រោះនៅឯមន្ទីរពេទ្យ តែអកុសលពេលទៅដល់មន្ទីរពេទ្យស្រាប់តែបុរសម្នាក់ជាព្រូ រថយន្តត្រូវបានស្លាប់ដោយសាររងរបួសធ្ងន់ចំដើមទ្រូងរួចក៏បានដឹកមកកន្លែងកើតហេតុវិញ ដើម្បីឲ្យសមត្ថកិច្ចពិនិត្យ ។
ក្រោយពេលកើតហេតុសមត្ថកិច្ចជំនាញចុះមកវាស់វែង ស្ទូចយករថយន្ត ទាំង៣គ្រឿងទៅរក្សាទុករង់ចាំដោះស្រាយគ្នានៅពេលក្រោយ ។ ចំណែកសពជនរងគ្រោះសមត្ថកិច្ចធ្វើកំណត់ហេតុរួចក៏ឲ្យរថយន្តដឹកសពទៅតម្កល់ទុក្ខ នៅវត្តទឹកថ្លារងចាំស្រាវជ្រាវរកសាច់ញាតិមកទទួលយកទៅធ្វើបុណ្យ តាមប្រព្រៃណី៕
