ចុមយក្ស!បាឌីស្កូ ស្កាយ ឡាញជាប្រភពចែកចាយគ្រឿងញៀនដ៏ធំនៅក្រុងព្រះសីហនុ
ព្រះសីហនុ៖ សមត្ថកិច្ចនគរបាលប្រឆាំងបទល្មើសគ្រឿងញៀន ខេត្តព្រះសីហនុ សហការសម្របសម្រួលដោយលោក លឹម ប៊ុនហេង ព្រះរាជ្ញរងអមសាលាដំបូងខេត្តព្រះសីហនុ បានចុះបង្ក្រាបទីតាំង ចែកចាយនិងប្រេីប្រាស់ថ្នាំញៀន ទ្រង់ទ្រាយធំមួយកន្លែង នៅក្នុងរង្គសាលស្កាយឡាញ(បាឌីស្កូ) កិច្ចប្រតិបត្តការណ៍នេះបានធ្វើឡើងកាលពី វេលាម៉ោង០១និង ៤៥នាទីរំលងអាធ្រាត្រឆ្លងចូលថ្ងៃទី១៦សីហា២០១៨
សមត្ថកិច្ចឃាត់ខ្លូនជនសង្សយ័ចំនួន៥៣ នាក់ ស្រី៧នាក់ ក្នុងនោះមានជនជាតិចិន១០នាក់ ជនជាតិឥណ្ឌូនេស៊ី១៧នាក់ ជនជាតិកូរ៉េ២នាក់ ដែលភាគច្រើនជាបុគ្គលិកបំរេីការងារក្នុងកាស៊ីណូហ្គោដិនស៊ី និងកាសុីណូ តុងហ្វាងមិនជូ ព្រមទាំងពលរដ្ឋខ្មែរ ចំនួន២៤នាក់។
ចាប់យកបានថ្នាំញៀន ខេតាមីន និង អិចស្តាស៊ី ចំនួន២៦កញ្ចប់ ដបថ្នាំញៀនសំរាប់លាយជាមួយទឹក៤ដប ។
ក្រោយពេលពេលធ្វេីតេស្ដអ្នកទាំងអស់មានផ្ទុកសារធាតុថ្នាំញៀន។ លោកស្នងការបញ្ជាក់ថា ពេលឆ្មក់ចូលឆែកឆេរ ជនសង្សយ័ទាំងនោះកំពុងប្រេីប្រាស់ជាក់ស្តែង តែម្តង៕
