នគរបាលប៉ុស្តិចាក់អង្រែលើឃាតខ្លួនស្ត្រីម្នាក់ដកហូតថ្នាំញៀនជិតកន្លះគីឡូ
ភ្នំពេញ៖ កម្លាំងនគរបាលប៉ុស្តិចាក់អង្រែលើឃាត់ខ្លួនស្ត្រីម្នាក់ឆែកឆេ រកឃើញគ្រឿងញៀនជិតកន្លះគីឡូ ៖ ហេតុការណ៍បានកើតឡើងកាលពីវេលាម៉ោង០១និង៣០នាទីរសៀលថ្ងៃទី៣០ខែឧសភាឆ្នាំ២០២០ នៅចំណុចផ្លូវលំក្រុមទី១១ ភូមិ ព្រែកតាគង់៣ សង្កាត់ចាក់អង្រែលេីខណ្ឌមានជ័យ រាជធានីភ្នំពេញ ។
លោក អ៊ុំ រតនា នាយប៉ុស្តិនគរបាលចាក់អង្រែលើ បានអោយដឹងថា ជនសង្ស័យដែលឃាត់ខ្លួនមានឈ្មោះ ផែង សុខខី ភេទ ស្រី អាយុ២៤ឆ្នាំ ជនជាតិខ្មែរមុខរបរ អ្នកបោសសំអាតផ្ទះ ស្នាក់នៅ ផ្ទះជួលភូមិព្រែកតាគង់៣ សង្កាត់ចាក់អង្រែលេីខណ្ឌមានជ័យ ។
លោក នាយប៉ុស្តិចាក់អង្រែលើ បានបន្តថា មុនពេលឃាត់ខ្លួនជនសង្ស័យ គឺកម្លាំងនគរបាលប៉ុស្តិបានចេញល្បាតនៅក្នុងមូលដ្ឋានខណៈល្បាតមកដល់ចំណុចកើតហេតុក៏បានប្រទះឃើញជនសង្ស័យកំពុងដើរដោយមានការសង្ស័យហៅសួរនាំត្រួតពិនិត្យឆែកឆេឃេីញមានក្រាមសថ្លាចំនួន ០៣ កញ្ចប់ថង់ធំ(សង្ស័យជាគ្រឿងញៀ)ក៏ឃាត់ខ្លួនយកមកសាកសួរនៅប៉ុស្តិ៍នគរបាលចាក់អង្រែលេីតែម្ដង។ វត្ថុតាងដកហូតមាន៖ ក្រាមពណ៍សថ្លា ចំនួន០៣កញ្ចប់ថង់ធំ ។
បច្ចុប្បន្ន ជនសង្ស័យរួមទាំងវត្ថុតាងត្រូវបានសមត្ថកិច្ច ធ្វើកំណត់ហេតុបញ្ជួនទៅអធិការដ្ឋាននគរបាល ខណ្ឌមានជ័យ ដើម្បីកសាងសំណុំរឿងចាត់ការបន្តតាមនិតិវិធីច្បាប់៕
