ចំណាំមុខទុកបងប្អូន! ចោរស្រីមុខកញ្ចាស់លួចកាបូបលុយពីអ្នកចូលទិញឥវ៉ាន់ក្នុងផ្សារទួលសង្កែរត្រូវសន្តិសុខផ្សារទួលសង្កែចាប់ប្រគល់ឲ្យសមត្ថកិច្ច
ភ្នំពេញ ៖ ចោរស្រីដៃឆើតម្នាក់ធ្វើសកម្មភាពលួចយកកាបូបលុយពីអ្នកចូលទិញឥវ៉ាន់នៅក្នុងផ្សារទួលសង្កែ យកលុយជនរងគ្រោះអស់១៩០មុឺនរៀលនិងទូរស័ព្ទដៃ១គ្រឿងត្រូវបានកម្លាំងប៉ូលិសប៉ុស្តិ៍រដ្ឋបាលទួលសង្កែ១សហការជាមួយកម្លាំងសន្តិសុខផ្សារទួលសង្កែ ឃាត់ខ្លួនបានភ្លាមៗកាលពីវេលាម៉ោង០៩និង០០នាទីព្រឹកថ្ងៃទី៣០ខែឧសភាឆ្នាំ២០២០នៅត្រង់ចំនុចផ្លូវលេខ៩០០ក្នុងផ្សារទួលសង្កែ ភូមិចុងខ្សាច់សង្កាត់ទួលសង្កែ១ខណ្ឌឫស្សីកែវ ។
សមត្ថកិច្ចបានឲ្យដឹងថា ជនសង្ស័យឈ្មោះនុន ណាក់ ភេទស្រី អាយុ៤៦ឆ្នាំ ជនជាតិខ្មែរ មុខរបរចោរ ស្នាក់នៅផ្ទះជួលភូមិបឹងកក់សង្កាត់ស្រះចក ខណ្ឌដូនពេញ មានស្រុកកំណើតនៅខេត្តកំពង់ចាម។
ចំណែកជនរងគ្រោះមានឈ្មោះ សន នឿនភេទប្រុស អាយុ៣១ឆ្នាំ ស្នាក់នៅបន្ទប់ជួលភូមិបឹងកក់សង្កាត់ស្រះចក ខណ្ឌដូនពេញ។
សម្ភារះបាត់បង់កាបូបលុយនៅក្នុងការបូប មានលុយ១៩០ម៉ឺនរៀលទូរស័ព្ទដៃម៉ាកoppo១គ្រឿង។
ក្រោយឃាត់ខ្លួនជនសង្ស័យត្រូវបានបញ្ជូនទៅប៉ុស្តិ៍នគរបាលទួលសង្កែ ដើម្បីសាកសួរនិងធ្វើកំណត់ហេតុបញ្ជួនទៅអធិការនគរបាល ខណ្ឌឫស្សីកែវ កសាងសំណុំរឿងចាត់ការបន្តតាមនីតិវិធី ៕
