រថយន្តស៊េរីទំនើបBMWបុកបង្គោលភ្លើងរងការខូចខាតយ៉ាងដំណំ

ភ្នំពេញ ៖ រថយន្តស៊េរីទំនើបបើកបរលឿនមិនប្រុងប្រយត្ន័យកចង្កូតមិនទាន់ជ្រុលទៅបង្គោលភ្លើងរងការ ខូចខាតផ្នែកខាងមុខយ៉ាងដំណំ
ហេតុការណ៍គ្រោះថ្នាក់ចរាចរណ៍នេះបានកើតឡើង កាលពីវេលាម៉ោង១១និង១០នាទីយប់ថ្ងៃទី២០ខែសីហា ឆ្នាំ២០១៨នៅក្បែទីស្ដីការគណៈរដ្ឋមន្ត្រីតាមបណ្ដោយផ្លូវសហព័ន្ធរុស្សុី កែងផ្លូវលេខ១០៩ ស្ថិតក្នុងសង្កាត់ មនោរម្យ ខណ្ឌ៧កមរា រាជធានីភ្នំពេញ ។

យោងតាមប្រភពព័ត៌មាននៅកន្លែងកើតហេតុបានឲ្យ ដឹងថា នៅពេលកើតហេតុគេឃើញរថយន្តស៊េរីទំនើបមួយគ្រឿងម៉ាកBMW ពណ៌ស គ្មានស្លាកលេខ បើកតាមបណ្ដោយផ្លូវសហព័ន្ធរុស្សុី ទិសដៅពីលិច ទៅកើត ក្នុងលឿនយ៉ាងលឿន ខណៈមកដល់ចំណុចកើតហេតុបានបួងចង្កូតបត់ឆ្វេងមិនប្រុងប្រយត្ន័ក៏ជ្រុលទៅបុកបង្គោលភ្លើងពេញទំហឹង បណ្ដាលឲ្យរថយន្តរងការខូចខាតផ្នែកខាងមុខយ៉ាងដំណំ សំណាងល្អមិនបង្កគ្រោះថ្នាក់ដល់អ្នកបើកបរនិងប្រជាពលរដ្ឋធ្វើដំ ណើរ បន្ទាប់ពីកើតហេតុភ្លាមៗ អ្នកបើកបរបានចុះគេចខ្លួនបាត់ស្រោល ។

ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុរួចបានទាក់ទងទៅសមត្ថកិច្ចជំនាញ ចរាចរណ៍ឲ្យមកវាស់វែង ស្ទួចយករថយន្តបង្កទៅរក្សា ទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រងចាំម្ចាស់ចូលទៅដោះ ស្រាយតាមផ្លូវច្បាប់ ៕