ឃាត់ខ្លួនជនសង្ស័យម្នាក់ពាក់ពន្ធ័ករណីលួចម៉ូតូ
បន្ទាយមានជ័យ ៖ ជនសង្ស័យម្នាក់លួចម៉ូតូគេត្រូវប្រជាការពារភូមិប្រទះឃើញឃាត់សួរចាប់ប្រគល់អោយកងរាជអាវុធហត្ថក្រុងប៉ោយប៉ែត
ហេតុការណ៍នេះបានកើតឡើងនៅវេលាម៉ោង១១និង៣០នាទីព្រឹកថ្ងៃទី២២ ខែមិថុនាឆ្នាំ២០២០ នៅក្បែស្ថានីយ៍រថភ្លើងក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យមានឈ្មោះ ម៉ាតូ អាយុ២៤ឆ្នាំរស់នៅ ភូមិវត្តរំដួល ឃុំចំការសំរោងស្រុកបាត់ដំបងខេត្តបាត់ដំបង ។ ចំណែកម៉ូតូដែល ជនសង្ស័យលួច ម៉ាក ហ្សូមើ(ZOME) ពណ៌លឿងលាយខ្មៅ គ្មានស្លាកលេខនិងលុយជាច្រើនមានទាំង ដុល្លារ លុយបាតប្រាក់ថៃ មានលុយចិន តែលុយទាំងនោះសុទ្ធសឹងតែជាលុយក្លែងក្លាយទាំងអស់ ។
បច្ចុប្បន្នជនសង្ស័យរួមទាំងវត្ថុតាងត្រូវកម្លាំងកងរាជអាវុធហត្ថក្រុងប៉ោយប៉ែតនាំខ្លួនទៅសួរនាំនៅមូលដ្ឋានកងរាជអាវុធហត្ថក្រុងប៉ោយប៉ែតនិងស្រាវជ្រាវរកម្ចាស់ម៉ូតូដើម្បីឲ្យមកទទួលយកម៉ូតូត្រឡប់ទៅវិញ ៕ 
