សមត្ថកិច្ចខណ្ឌដង្កោឃាត់ខ្លួនជនសង្ស័យ៧នាក់រួមនិងថ្នាំញៀន២កញ្ចប់

ភ្នំពេញ៖ កម្លាំងសមត្ថកិច្ចនគរបាលខណ្ឌដង្កោ ចុះធ្វើរដ្ឋបាល ឃាត់ខ្លួនជនសង្ស័យ០៧ដែលជាមុខសញ្ញាជួញដូរនិងប្រើប្រាសគ្រឿងញៀន
ប្រតិបត្តការរដ្ឋបាលនេះបានធ្វើឡើងកាលពីវេលា ម៉ោង១០និង០០នាទីព្រឹកថ្ងៃទី២០ខែសីហាឆ្នាំ២០១៨ ស្ថិតនៅផ្ទះជួលភូមិបូរីកម្មករនិងភូមិជើងឯក សង្កាត់ ជើងឯក ខណ្ឌដង្កោ ។ ដឹកនាំកម្លាំងដោយ លោក វរសេនីយ៍ត្រី ជាង ហុកសែ អធិការរងនគរបាលខណ្ឌដង្កោ ក្រោយការបញ្ជាផ្ទាល់ដោយលោក ជឹម សុីថា អធិការនគរបាលខណ្ឌដង្កោ ។

សមត្ថកិច្ចបានឲ្យដឹងថាជនសង្ស័យដែលបានឃាត់ខ្លួនទាំង០៧នាក់រួចមាន ៖ ទី០១៖ មានឈ្មោះ សាន ស្រីណែត ហៅ អាណែត ភេទស្រី អាយុ១៨ឆ្នាំ មុខរបរមិនពិតប្រាកដ ស្នាក់នៅបន្ទប់ជួលភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ទី០២៖ ឈ្មោះ ជា យឿន ហៅ អាជ្រុញ ភេទប្រុស អាយុ២៥ឆ្នាំ មុខរបរដើររោងការ មានទីលំនៅភូមិបុរីកម្មករ សង្កាត់ជើងឯក ខណ្ឌដង្កោ ទី០៣៖ ឈ្មោះ ហន គន្ធា ភេទស្រី អាយុ ៣៣ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិ បុរីកម្មករ សង្កាត់ជើងឯក ខណ្ឌដង្កោ ទី០៤៖ ឈ្មោះ យ៉ូ សេងហៀង ហៅ បារាំង ភេទប្រុស អាយុ១៧ឆ្នាំ មុខរបរ មិនពិតប្រាកដ មានទីលំនៅភូមិបុរីកម្មករ សង្កាត់ជើងឯក ខណ្ឌដង្កោ ទី០៥៖ ឈ្មោះ ជា កុសល ភេទប្រុស អាយុ១៧ឆ្នាំ មុខរបរមិនពិតប្រាកដ មានទីលំនៅភូមិបុរីកម្មករ សង្កាត់ជើងឯក ខណ្ឌដង្កោ ទី០៦៖ ឈ្មោះ ផាន រិទ្ធ ហៅ ចិន ភេទប្រុស អាយុ២៣ ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិបុរីកម្មករ សង្កាត់ជើងឯក ខណ្ឌដង្កោ ទី០៧៖ ឈ្មោះ ខេន ចាន់ណាក់ ហៅអាខ្មៅ ភេទប្រុស អាយុ១៤ឆ្នាំ មុខរបរមិនពិតប្រាកដ ស្នាក់នៅបន្ទប់ជួលភូមិថ្មី សង្កាត់ ដង្កោ ខណ្ឌដង្កោ ។
សមត្ថកិច្ចបានបន្តទៀតថាក្រោយឃាត់ខ្លួនសមត្ថកិច្ចឆែកឆែរកឃើញថ្នាំញៀន០២កញ្ចប់ធំល្មមនិងសំភារៈ ប្រើប្រាស់គ្រឿងញៀនមួយចំនួនជញ្ជីងអេឡិចត្រូនិចសម្រាប់ថ្លឹងថ្នាំញៀន០១ម៉ូតូម៉ាកហុងដាឃ្លីក ពណ៌ខ្មៅលាយស ពាក់ស្លាកលេខភ្នំពេញ1P-5683 ១គ្រឿង

បច្ចុប្បន្នជនសង្ស័យទាំង០៧នាក់រួមទាំងវត្ថុតាងត្រូវបានសមត្ថកិច្ច ធ្វើការសាកសួរនិងកសាងសំណុំរឿង ដើម្បីចាត់ការបន្តតាមនិតិវិធីច្បាប់ ៕