មន្ត្រីយោធាម្នាក់មានវិបត្តគិតមិនចេញផ្ទុះអាវុធ៣គ្រាប់បង្កការភ្ញាក់ផ្អើលត្រូវនគរបាលឃាត់ខ្លួន
(ភ្នំពេញ)៖ មន្ត្រីយោធាម្នាក់ពាក់សក្តិ៤ មានវិបត្តគិតអីមិនចេញផ្ទុះអាវុធ៣គ្រាប់ត្រូវនគរបាលឃាត់ខ្លួននៅក្នុងបន្ទប់ជួលលេខ C៥ ភូមិត្រពាំងរំចេកសង្កាត់ចោមចៅទី១ខណ្ឌពោធិ៍សែនជ័យ ហេតុការណ៍នេះកើតឡើងកាលពីវេលាម៉ោងជាង៨យប់ថ្ងៃទី១២ ខែកក្កដា ឆ្នាំ២០២០។
ជនបង្កដែលនគរបាលឃាត់ខ្លួនមានឈ្មោះ សោម ពិសិដ្ធ ភេទប្រុស អាយុ៣៦ឆ្នាំមុខរបរ យោធា កងឯកភាព ទីចាត់ការឃោសនាពត៍មាន អគ្គបញ្ជាការ ឋាន:វរះសេនីយ៍ត្រីយ៍ អត្តលេខ០១៦៨២៩ប្រេីប្រាស់អាវុធខ្លីម៉ាកK៥៩លេខ៧២៦១។
នៅមុនពេលកេីតហេតុជនបង្ករបានមកផឹកសុីជាមួយមិត្តភក្ត័នៅបន្ទប់ខាងលើចំនួន៤នាក់ ពេលកំពុងផឹកនោះជនបង្ករបាននិយាយថាពិបាកចិត្តណាស់ ប៉ុន្តែមិនដឹងថាពិបាកចិត្តរឿងអ្វីទេ លុះមួយសន្ទុះក្រោយមកជនបង្កបានដកកាំភ្លើងបាញ់ចំនួន៣គ្រាប់ មួយគ្រាប់បាញ់ក្នុងបន្ទប់ទឹក មួយគ្រាប់បាញ់ទ្វារបន្ទប់ និងមួយគ្រាប់ទៀតបាញ់ឡើងលើ។
បច្ចុប្បន្នជនបង្កររួមទាំងវត្ថុតាងត្រូវបាននគរបាលឃាត់ខ្លួនយកទៅសាកសួរចាត់ការតាមនិតិវិធី៕
