ស្រវឹងស្រាបើករថយន្តលឿនមិនប្រយត្ន័រេចង្កូតជ្រុលទៅបុកផ្ទះលក់ភេសជ្ជះរងរបួសធ្ងន់ខ្លួនឯង
ភ្នំពេញ៖ បុរសម្នាក់ចេញពីផឹកស៊ីស្រវឹងទោរទន់ បាន បើករថយន្តម៉ាក FOTUNNER រេចង្កូតជ្រុលទៅបុកចូលផ្ទះលក់ ភេសជ្ជះមួយកន្លែងបណ្ដាលអោយរងការខូចខាត រថយន្ត និងសំភារះអស់មួយចំនួន ព្រមទាំងធ្វើអោយអ្នកបើកបរ រថយន្តបង្កររបួសធ្ងន់
ហេតុការណ៍នេះបានកើតឡើងនៅវេលាម៉ោង ១២និង ៥០នាទី រំលងអាធ្រាត្រឈានចូល ថ្ងៃទី២៤ ខែសីហា ឆ្នាំ២០១៨ នៅចំនុចផ្ទះលេខ ០៥៣ យីហោរ ស្រីនាង លក់ បោះដុំ និង រាយ ភេសជ្ជះគ្រប់មុខ ផ្លូវ២០៦ ភូមិដើមមាន ក្រុងតាខ្មៅ ខេត្តកណ្តាល ។
អ្នកបើកបរ រថយន្តបង្ករ មានឈ្មោះ ថៃ ប៉ុនរ៉ុង ភេទប្រុស អាយុ២៦ឆ្នាំ មានស្រុកកំនើត ភូមិពោធិ៍ក្រោម ឃុំត្រើយស្លា ស្រុកស្អាង ខេត្តកណ្តាល បើករថយន្តម៉ាក TOYOTA FOTUNNER ពណ៌ស ពាក់ស្លាកលេខ ភ្នំពេញ 2AR 7737
បើតាមប្រភពព័ត៌មាន ពីកន្លែងកើតបានអោយដឹងថា មុនពេលកើតហេតុ គេបានឃើញ បុរសខាងលើ មិនដឹងថាចេញពីផឹកនៅកន្លែងណានោះទេ បានបើករថយន្តម៉ាក់ តូយូតា FOTUNNER ពណ៌ស ធ្វើដំណើរតាមផ្លូ ២០៦ ក្នុងទិសដៅ ត្បូងទៅជើង ក្នុងល្បឿនលឿន មិនប្រយត្ន័ព្រមទាំងស្រវឹងផងនោះ ខណះមកដល់ចំនុចកើតហេតុ ក៍រេចង្កូតទៅខាងឆ្វេងដៃ ជ្រុលទៅបុកចូលផ្ទះលក់ ភេសជ្ជះខាងលើ យ៉ាងពេញទំហឹង បណ្តាលអោយ រងការខូចខាត បើងទ្វារដែកអស់ចំនួន៧ប្រលោះ និង បាក់បង្គោលរបងថ្មអស់មួយ ព្រមទាំងខូចខាតសំភារះ ភេសជ្ជះអស់មួយចំនួន។ ដោយឡែក រថយន្តបង្ករ រងការខូចខាត ខ្ទេចផ្នែកខាងមុខ និងផ្ទុះពោងសុវត្តិភាព ព្រមទាំងធ្វើអោយអ្នកបើកបររថយន្ត របួសបែកមុខ សន្លប់ស្តូកស្តឹង ភ្លាមៗ ជនរងគ្រោះត្រូវបានរថយន្តសង្គ្រោះ មកដឹកយកទៅសង្គ្រោះនៅមន្ទីពេទ្យ កាល់ម៉ែត្រ ។
ក្រោយពេលកើតហេតុ សមត្ថកិច្ចមូលដ្ឋាននិងជំនាញ់បានចុះទៅកន្លែងកើតហេតុ រួចបានស្ទូចយករថយន្ត បង្ករទៅរក្សារទុកនៅ អធិការដ្ឋានក្រុងតាខ្មៅ ដើម្បីរងចាំធ្វើការដោះស្រាយពេលក្រោយ ៕
