កម្លាំងនគរបាលប៉ុស្តិ៍ច្បារអំពៅ២ ឃាត់ខ្លួនជនសង្ស័យម្នាក់ពាក់ពន្ធករណីជួញដូរថ្នាំញៀន
ភ្នំពេញ៖ ជនសង្ស័យម្នាក់ជាមុខសញ្ញាជួញដូរគ្រឿងញៀន ត្រូវបានកំលាំងនគរបាលប៉ុស្តិ៍ច្បារអំពៅ២ នៃអធិការដ្ឋាននគបាលខណ្ឌច្បារអំពៅ ធ្វើការឃាត់ខ្លួននិងហូតថ្នាំញៀនមួយចំនួន ៖ ហេតុការណ៍ឃាត់ខ្លួននេះបានធ្វើឡើងកាលពីម៉ោង១១និង៣០នាទីថ្ងៃត្រង់ថ្ងៃទី១៨ខែតុលាឆ្នាំ២០២០នៅចំណុច មុខផ្ទះគ្នានលេខ ផ្លូវ បេតុង ភូមិ ដេីមចាន់ សង្កាត់ ច្បារអំពៅ២ ខណ្ឌ ច្បារអំពៅ រាជធានីភ្នំពេញ ។
លោកនាយប៉ុស្តិច្បារអំពៅ២ បានអោយដឹងថា ជនសង្ស័យដែលឃាត់ខ្លួនមានឈ្មោះ ជា អេឡិច ភេទ ប្រុស អាយុ១៨ ឆ្នាំ ជនជាតិ ខ្មែរ មុខរបរ មិនពិតប្រាកដ ទីលំនៅ ផ្ទះគ្មានលេខ ផ្លូវបេតុង ភូមិព្រែកសង្កាត់ច្បារអំពៅ១ ខណ្ឌច្បារអំពៅ ។
លោកនាយប៉ុស្តិបានបន្តថា មុនឈានដល់ការឃាត់ខ្លួនជនសង្ស័យខាងលើ គីកម្លាំងនគរបាលបានធ្វើការល្បាតពួនស្ទាក់នៅក្នុងមូលដ្ឋាន ខណៈល្បាតមកដល់ចំណុច មុខផ្ទះគ្នានលេខ ផ្លូវ បេតុង ភូមិ ដេីមចាន់ សង្កាត់ ច្បារអំពៅ២ ខណ្ឌច្បារអំពៅ ក៏បានឃាត់ខ្លួនជនសង្ស័យម្នាក់ឆែកឆេរកឃើញថ្នាំញៀនចំនួន០៤កញ្ចប់ថង់តូច ក៏ឃាត់យកមកសួរនាំនៅស្នាក់ការប៉ុស្តិនគរបាលច្បារអំពៅ២តែម្ដង ។
បច្ចុប្បន្នជនសង្ស័យរួមទាំងវត្ថុតាងត្រូវបានធ្វើកំណត់ហេតុបញ្ជួនទៅឃុំខ្លួនបណ្ណោះអាសន្ននៅអធិការដ្ឋាននគរបាលខណ្ឌច្បារអំពៅ ដេីម្បីកសាងសំណុំរឿងចាត់តាមនីតិវិធីច្បាប់៕ 
