ដាច់ខ្សែរ៉តសំណង់ កាស៊ីណូ Diamond Crownធ្លាក់សង្កត់ស្លាប់០២នាក់របួសធ្ងន់០៣នាក់
ខេត្តប៉ៃលិន៖ ដាច់ខ្សែរ៉តការដ្ឋានសំណង់កាសុីណូ Diamond Crown ធ្លាក់ត្រូវកម្មកស្លាប់២នាក់ដោយ ឡែក៣នាក់ទៀតរបួសធ្ងន់ ៖ ហេតុការណ៍នេះបានកើតកាលពីវេលាម៉ោង ៧និង១៥នាទីព្រឹកថ្ងៃទី០៤ ខែកញ្ញាឆ្នាំ២០១៨ នៅចំណុចការដ្ឋាន សំណង់កាស៊ីណូ Diamond Crown ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ក្រោយកើតហេតុភ្លាមៗជនរងគ្រោះត្រូវបានបញ្ជួន ទៅសង្គ្រោះនៅមន្ទីរពេទ្យបង្អែកខេត្ត ។ ចំណែកសពជនរងគ្រោះបន្ទាប់ពីសមត្ថកិច្ចធ្វើកំណត់ហេតុរួចបាន ប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
