កម្លាំងគណៈបញ្ជាការឯកភាពខណ្ឌច្បារអំពៅចុះបង្ក្រាប ទីតាំងល្បែងស៊ីសង(ឆ្នោតឡូតូ)ចំនួនកន្លែងនៅសង្កាត់ច្បារអំពៅ២ ដកហូតសម្ភារៈមួយចំនួន
ភ្នំពេញ ៖ ដោយយោងតាមប្រសាសន៍របស់ ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ កាលពីរសៀលថ្ងៃទី៣ខែវិច្ឆិកាឆ្នាំ២០២០ បានបញ្ជាឲ្យចុះស្រាវជ្រាវទីតាំងបើកអាជីវកម្ម ឆ្នោតឡូតូ បំប្លែងជាល្បែងសុីសង តាមអនឡាញ Keno Online។
នៅព្រឹក ថ្ងៃទី១៧ ខែវិច្ឆិកា ឆ្នាំ២០២០ នេះ គណះបញ្ជាការឯកភាពខណ្ឌច្បារអំពៅ ដឹកនាំដោយលោក រស់ សុភ័ក្ត អភិបាលរងខណ្ឌ បានទទួលបញ្ជាផ្ទាល់ពីលោក ចេង មុនីរ៉ា អភិបាលខណ្ឌច្បារអំពៅ បានដឹកនាំកម្លាំង ចុះបង្ក្រាប់ទីតាំងល្បែងស៊ីសង(ឆ្នោតឡូតូ) ដែលមិនគោរពតាមសេចក្តីណែនាំរបស់ អគ្គស្នងការនគរបាលជាតិ ចំនួន០២ទីតាំង ស្ថិតនៅភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ ។
– វត្ថុតាងដកហូត
1.ទូរទស្សន៍ ០១គ្រឿង
2.កុំព្យទ័រ ០១ ឈុត
3.ម៉ាសុីន ព្រីន ០១គ្រឿង
4.ក្ដារអុក ០១
5.កាស្យូ ០១
6.ក្រដាសឆ្នោត មួយចំនួន ៕
