រថយន្តPriusបុកបង្កាន់ដៃស្ពាននៅព្រែកកំពឹស ក្រឡាប់ផ្ងារជេីងឆេះយ៉ាងសន្ធរសន្ធៅ
ភ្នំពេញ ៖ រថយន្តម៉ាកToyota Prius មួយគ្រឿងបេីកបរដោយបុរសម្នាក់ក្នុងល្បឿនលឿន ខ្វះការប្រុងប្រយត្ន័ជ្រុលទៅបុកបង្កាន់ដៃស្ពានបាក់ព្រែកកំពឹស បណ្ដាលឲ្យក្រឡាប់រថយន្តផ្ងារជេីងទ្រមេឃឆាបឆេះយ៉ាងសន្ធរសន្ធៅ ហេតុការណ៍នេះកើតឡើងកាលពីវេលាម៉ោង១១យប់ថ្ងៃអាទិត្យ ទី២២ ខែវិច្ឆិកាឆ្នាំ២០២០ នៅចំណុចលេីស្ពានបាក់ ទល់មុខស្ថានីយ៍ទូរទស្សន៍ប៉ុស្ដិ៍លេខ៥ តាមបណ្តោយផ្លូវជាតិលេខ២ ក្នុងសង្កាត់ព្រែកកំពឹស ខណ្ឌដង្កោ រាជធានីភ្នំពេញ ។
យោងតាមប្រភពពីកន្លែងកេីតហេតុបានឲ្យដឹងថា មុនពេលកេីតហេតុ មានរថយន្តម៉ាកToyota Prius មួយគ្រឿងមិនចាំស្លាកលេខ បេីកបរដោយបុរស ម្នាក់សង្ស័យស្រវឹងស្រា ធ្វេីដំណេីរ តាមបណ្ដោយផ្លូវជាតិលេខ២ ទិសដៅពីកេីតទៅលិច ក្នុងល្បឿនយ៉ាងលឿន ខណៈមកដល់ចំណុច កើតហេតុខាងលេីស្រាប់តែរេចង្កូតជ្រុលទៅបុកបង្កាន់ដៃស្ពានបណ្តាលឲ្យរថយន្តក្រឡាប់ផ្ងារជេីងទ្រមេឃតែម្តង ។
ក្នុងទិដ្ឋភាពនៃគ្រោះថ្នាក់ចរាចរណ៍នោះប្រជាពលរដ្ឋជាច្រេីនបាននាំគ្នាទៅជួយទាញតៃកុងចេញពីរថយន្ត ហេីយមួយសន្ទុះក្រោយមករថយន្តបង្កស្រាប់ឆាបឆេះយ៉ាងសន្ធោសន្ធៅតែម្ដង ទេីបរាយការណ៍ជូនទៅសមត្ថកិច្ចឲ្យជួយអន្តរាគមន៍ តែគួរឲ្យសោកស្ដាយបំផុត រថយន្តខាងលេីត្រូវបានអគ្គីភ័យឆាបឆេះសល់តែគ្រោងឆ្អឹងទៅហេីយ បេីទោះបីជារថយន្តពន្លត់អគ្គីភ័យបាន បាញ់ទឹកអស់១ឡានក៏ដោយ ៕
