នគរបាលខណ្ឌដង្កោក្របួចជនសង្ស័យបីនាក់ពាក់ព័ទ្ធករណីលួចនឹងជួញដូរគ្រឿងញៀន
ភ្នំពេញៈ ជនសង្ស័យបីនាក់ត្រូវបានកម្លាំងចម្រុះនៃអធិការខណ្ឌដង្កោធ្វេីការឃាត់ខ្លួន បន្ទាប់ពីពួកគេធ្វេីសកម្មភាពលួចសម្ភារប្រជាពលរដ្ឋនឹងជាប់ពាក់ព័ន្ធនឹងករណីគ្រឿងញៀន ។ ដោយការចាប់ខ្លួននេះធ្វេីឡេីងកាលពីវេលាម៉ោង ៣នឹង៣០នាទីទាបភ្លឺ ថ្ងៃទី២៥ ខែវិច្ឆិកា ឆ្នាំ២០២០ ត្រង់ចំណុចផ្ទះល្វែងកំពុងសាងសង់ផ្លូវ១០៤ ភូមិក្រាំងក្រួចសង្កាត់ទៀន ខណ្ឌដង្កោ រាជធានីភ្នំពេញ ។
សមត្ថកិច្ចបានអោយដឹងថាជនសង្ស័យទាំងបីនាក់ទី១-ឈ្មោះ ប៉ាល់ ប៊ុនថន ហៅ ជ្រុយ ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅម្តុំខាងក្រោយវត្តស្ទឹងមានជ័យ ស្ថិតនៅភូមិមានជ័យ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ , ២-ឈ្មោះ ឡុង ស៊ីដានី ហៅ ជឿន ភេទប្រុស អាយុ៣៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល សង្កាត់អូរបែកក្អម ខណ្ឌសែនសុខ រាជធានីភ្នំពេញ, ៣-ឈ្មោះ សឿន សំបូរ ហៅ យួន ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល សង្កាត់បឹងសាឡាង ខណ្ឌទួលគោក រាជធានីភ្នំពេញ ។ (ជនសង្ស័យទាំង០៣នាក់ មានសារធាតុញៀន) ។ចំណែក ជនរងគ្រោះឈ្មោះ ស៊ុន សារិន ភេទប្រុស អាយុ៧១ឆ្នាំ ជនជាតិខ្មែរ មុខរបរម៉ៅការសំណង់ ទីលំនៅភូមិទី២ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ ។
ចំពោះវត្ថុតាងចាប់យក៖ក្រាមពណ៌សថ្លាសង្ស័យជាគ្រឿងញៀនចំនួន០២កញ្ចប់ថង់តូច, កាំបិតប៉័ងតោចំនួន០២, ដង្កាប់ចំនួន០១, កាបូបស្ពាយពណ៌សូកូឡាចំនួន០១ , ម៉ូតូម៉ាកសេ១០០កូរ៉េ ពណ៌ក្រហម គ្មានផ្លាកលេខ (ម៉ូតូចាស់) មានកន្ទុយរ៉ឺម៉កចំនួន០១គ្រឿង, ទ្វារដែកចំនួន០១, ម៉ូទ័រពណ៌លឿងចំនួន០២គ្រឿង, គ្រោងបង្អួចចំនួន០១ផ្ទាំង, ដែកពុម្ភសរសរចំនួន០៤ផ្ទាំង, ដែកកំណាត់តូចៗមួយចំនួន ។
សមត្ថកិច្ចបន្តថា នៅវេលាទាបភ្លឺជនរងគ្រោះកំពុងដេកលង់នឹងដំណេកស្រាប់តែជនសង្ស័យទាំងបីនាក់ចូលមកធ្វេីសកម្មភាពលួចយកសម្ភារជាគ្រឿងសំណង់បានសម្រេច ភ្លាមៗនោះជនរងគ្រោះដឹងក៏បានទូរស័ព្ទប្តឹងសមត្ថកិច្ចមូលដ្ឋាន ទេីបកម្លាំងសមត្ថកិច្ចចុះអន្តរាគមន៍ឃាត់បានជនសង្ស័យទាំង៣នាក់រួមទាំងវត្ថុតាងផងដែរ។
ក្រោយពីធ្វើការសាកសួរ ជនសង្ស័យបានឆ្លើយសារភាពប្រាប់សមត្ថកិច្ចយើងថា ពួកគេ (ជនសង្ស័យ) ពិតជាបានធ្វើសកម្មភាពលួចសម្ភារៈគ្រឿងសំណង់របស់ជនរងគ្រោះប្រាកដមែន ហើយជនរងគ្រោះក៏បាន មកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលទៀន ដើម្បីឱ្យសមត្ថកិច្ចចាត់ការជនសង្ស័យ ខាងលើតាមនីតិវិធីច្បាប់ តែម្តង៕ 
