ឃើញហើយចង់ស្លុត ! ស្ត្រីអ្នកលក់ផ្កាម្នាក់ ត្រូវរថយន្តដឹកខ្សាច់កិនស្លាប់ យ៉ាងអាណោចអធម៌
ភ្នំពេញ ៖ ស្ត្រី អ្នកលក់ផ្កា វ័យចំណាស់ម្នាក់ ខណះកំពុងជិះម៉ូតូបំរុងបត់ ស្រាប់តែត្រូវរថយន្តដឹកខ្សាច់បេីកមកបុកពីក្រោយនិងកិនស្លាប់យ៉ាងអាណោចអធម៌ បង្កឲ្យមានការភ្ញាក់ផ្អេីល កាលពីវេលាម៉ោង៩ និង៥០នាទីយប់ ថ្ងៃទី៣០ ខែវិច្ចិកា ឆ្នាំ២០២០ នៅចំណុចច្រមុះជ្រូកក្បាលថ្នល់ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
សពជនរងគ្រោះមានឈ្មោះ អែម ឡី ភេទស្រី អាយុ៥៥ឆ្នាំ មុខរបរលក់ផ្កា ស្នាក់នៅសង្កាត់ព្រែកឯងខណ្ឌច្បារអំពៅ ។
យោងតាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេឃើញជនរងគ្រោះជិះម៉ូតូម៉ាកគុបមូល ពណ៍ខៀវ ពាក់ស្លាកលេខ ខ-០៩៨៨.កណ១ ធ្វេីដំណេីរក្នុងទិសដៅពីកេីតទៅលិច ខណះមកដល់ចំណុចកេីតហេតុក៏បង្អង់ម៉ូតូបំណងបត់ឆ្វេងឆ្លងផ្លូវទៅខាងក្រោយវិញ ភ្លាមនោះស្រាប់តែមានរថយន្តបែនដឹកខ្សាច់ ពណ៍ស ពាក់ស្លាកលេខភ្នំពេញ3F-0210 ធ្វេីដំណេីរមកពីក្រោយក៏បុកហេីយកិនទាំងម៉ូតូ និងស្ត្រីរងគ្រោះបណ្តាលស្លាប់យ៉ាងអាណោចអធម៌ ។
ក្រោយកេីតហេតុភ្លាមៗ តៃកុងរថយន្តបង្កបានចុះពីលេីរថយន្តរត់គេចខ្លួនតែត្រូវបានប្រជាពលរដ្ឋដេញបានចាប់ប្រគល់ជូនសមត្ថកិច្ច ។ បន្ទាប់មកសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងទាក់ទងទៅជំនាញ នៃការិយាល័យចរាចរណ៍ផ្លូវគោករាជធានីភ្នំពេញ ធ្វេីការវាស់វែងយករថយន្តនិងម៉ូតូទៅរក្សាទុកដើម្បីកសាងសំណុំរឿងចាត់ការតាមច្បាប់ ។ ដោយឡែកសពស្ត្រីរងគ្រោះត្រូវបានសមត្ថកិច្ចធ្វើកំណត់ហេតុប្រគល់ជូនក្រុមគ្រួសារយកទៅធ្វេីបុណ្យតាមប្រពៃណី៕
