គ្រោះថ្នាក់ចរាចរណ៍ដ៏រន្ធត់ ស្លាប់៨នាក់ និងរបួស២នាក់ គោយន្តបុកជាមួយរថយន្ត Camery លើផ្លូវជាតិលេខ៥ ស្រុកថ្មគោល

ខេត្តបាត់ដំបង៖ នគរបាលស្រុកថ្មគោល ខេត្តបាត់ដំបង បានបញ្ជាក់ឲ្យដឹងថា លើផ្លូវជាតិលេខ៥ កំពុងស្ថាបនា ត្រង់ចំណុចក្រុមទី០១ភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង មានករណីគ្រោះថ្នាក់ចរាចរណ៍កើតឡើង រវាងគោយន្តដឹកទំនិញធន់ធ្ងន់ (ទឹកកក) និងរថយន្តធុនស្រាល (Camery) បណ្តាលឱ្យអ្នកបើកបរ និងអ្នករួមដំណើររថយន្តទាំងសងខាង ស្លាប់នៅកន្លែងកើតហេតុចំនួន០៨នាក់ (ប្រុស០៣នាក់) និងរបួសធ្ងន់ស្រាលចំនួន០២ នាក់ នៅថ្ងៃម៉ោង៩៖២០នាទីយប់ ថ្ងៃទី២៤ ខែធ្នូ ឆ្នាំ២០២០ ។

ករណីនេះកម្លាំងនគរបាលចរាចរណ៍ បានសង្រ្គោះអ្នករងគ្រោះទៅមន្ទីរពេទ្យបង្អែកស្រុកថ្មគោល រីឯអ្នកស្លាប់ទាំង០៨នាក់ ត្រូវបានដឹកសពយកទៅតម្កល់ទុក នៅវត្តអូរតាគី ដើម្បីរង់ចាំក្រុមគ្រួសារ យកទៅធ្វើបុណ្យតាមប្រពៃណី។

សាច់ញាតិជនរងគ្រោះ អាចទាក់ទងលេខទូស័ព្ទអធិការដ្ឋាននគរបាល ស្រុកថ្មគោល 012 511 858, 097 778 0137, 089 553 363 ៕