មេឆ្នោតវៀតណាមល្បីឈ្មោះម្នាក់ នៅខេត្តកំពង់ចាម ដែលគេស្គាល់រហស្សនាមថា មេលាភ (៧៨៩) ឬឈ្មោះ និត សមត្ថកិច្ចមិនហ៊ានបង្ក្រាប
កំពង់ចាម ៖ យោងតាមសេចក្តីរាយការណ៍ពីប្រជាពលរដ្ឋ និងសារព័ត៌មានមួយចំនួនបាន ចុះផ្សាយថា មេឆ្នោត ឬមេកន្ទុយលេខដ៍ល្បីឈ្មោះម្នាក់ដែលមិនខ្លាចអ្នកណាទាំងអស់នៅខេត្តកំពង់ចាម ដែលគេស្គាល់ថា ឈ្មោះ និត ហៅក្រៅ បងខ្លា រឺ មេលាភ ជេីងខ្លាំងកំពង់ចាម គា្មនអ្នកណាហ៊ានប៉ះ ដេីរនិយាយថា មេប៉ូលីសខេត្ត មេបេអុឹមខេត្ត និង ព្រះរាជាអាជា្ង និង អភិបាលខេត្តក្តី ក៍បុគ្គលរូបនេះជួបនិយាយចរចារអស់ហេីយ ដូច្នេះគ្មានអ្នកណាហ៊ានបង្ក្រាបល្បែងឆ្នោតវៀតណាមខុសច្បាប់ដែលមាននិមិត្តសញ្ញា (លាភ 789)នេះទេ ។
សេចក្តីរាយការណ៍បន្តថា បច្ចុប្បន្ននេះល្បែងស៊ីសងខុសច្បាប់ត្រូវបានសមត្ថកិច្ចក្នុងខេត្តកំពង់ចាមបានធ្វើការបង្ក្រាបជាហូរហែដូចភ្លៀងរលឹមយ៉ាងណាក៍ដោយ ប៉ុន្តែគេមិនទាន់ឃើញមានសមត្ថកិច្ចណាហ៊ានបង្រ្កាបបុគ្គលខាងលើនេះនៅឡើយ។
ជុំវិញនៅពាក្យសំដីខាងលើនេះ បើដូចសេចក្តីរាយការណ៍ពីបងប្អូនប្រជាពលរដ្ឋនៅមូលដ្ឋាន ដែលគេស្តាប់ឮសម្តីចេញពីមាត់លោក និត ហៅ បងខ្លា ហៅ បងលាភ ពិតមែននោះ វាពិតជាធ្វើឲ្យមានការប៉ះពាល់ដល់មន្ត្រីថ្នាក់ដឹកនាំស្រុក ខេត្ត ជាពិសេសគឺឯកឧត្តមអភិបាល នៃគណៈអភិបាលខេត្តតែម្តង គឺប៉ះពាល់ខ្លាំងណាស់ ។
ជុំវិញនៅព័ត៌មាននេះភ្នាក់ងារសារព័ត៌មានរបស់យើង នៅពុំទាន់បានសុំការពន្យល់ណាមួយពីអាជ្ញាធរ មាមសមត្ថកិច្ចមូលដ្ឋាន ពិសេសលោកស្នងការនគរបាល និងលោកមេបញ្ជាការកងរាជអាវុធហត្ថខេត្តនៅឡើយទេ !យើងនិងធ្វើការទំនាក់ទំនងព័ត៌មានបន្ថែមពីលោកស្នងការខេត្ត កំពង់ចាម ថាតើករណីនេះដូចពាក្យរបស់លោក លាភនិយាយដែលឬ ទេ ? ។ អង្គភាពយើងរងចាំការបំភ្លឺបកស្រាយ ពីលោក និត ហៅបងខ្លា ហៅមេលាភ និង អ្នកពាក់ព័ន្ធរៀងរាល់ម៉ោងធ្វើការ ៕
