ឆក់ទូរសព្ទ័ បានតែសំណាងអាក្រក់រត់មិនរួចត្រូវជនរងគ្រោះជិះម៉ូតូដេញបុកឲ្យដួលរបួសធ្ងន់ស្រាល២នាក់
ភ្នំពេញ៖ ជនសង្ស័យ២នាក់ជិះម៉ូតូមួយគ្រឿងធ្វើសកម្មភាពឆក់ទូរសព្ទ័អាយហ្វូន១១ប្រូពីបុរសម្នាក់ដែលកំពុងអង្គុយលើម៉ូតូនៅមុខហាងមួយកន្លែងបាន រួចព្យាយាមជិះម៉ូតូគេចខ្លួនត្រូវជនរងគ្រោះជិះម៉ូតូដេញបុកពីក្រោយបណ្ដោយឲ្យម៉ូតូជនសង្ស័យជាចោរឆក់ប៉ើងទាំងម៉ូតូនិងជនសង្ស័យទៅលើមុខផ្ទះប្រជាពរដ្ឋបណ្ដាលឲ្យម្នាក់ បែកក្បាលរងរបួសធ្ងន់ត្រូវសមត្ថកិច្ចបញ្ជូនទៅសង្គ្រោះនិងម្នាក់ទៀតវាយខ្នោះយកទៅអធិការនគរបាលខណ្ឌដើម្បីធ្វើការសាកសួរ ។
ហេតុការណ៍នេះកើតឡើងកាលវេលាម៉ោង១១និង២០នាទីយប់ថ្ងៃទី២៩ខែធ្នូ ឆ្នាំ២០២០នៅតាមបណ្ដោយផ្លូវ១៦៣កែងនិងផ្លូវ៣១០ក្នុងសង្កាត់អូឡាំពិច ខណ្ឌបឹងកេង រាជធានីភ្នំពេញ។
ជនសង្ស័យទី១:មានឈ្មោះ ហេង ភេទប្រុសអាយុ១៦ឆ្នាំ មុខរបរ សិស្សជាអ្នកអង្គុយខាងក្រោយ ឆក់ស្នាក់នៅម្ដុំផ្សារដើមថ្កូវ ខណ្ឌចំការមន។
ទី២:មិនទាន់ស្គាល់អត្តសញ្ញាណនៅឡើយដោយនិយាយមិនរួចជាអ្នកឌុប។
ចំណែកជនរងគ្រោះមានឈ្មោះ ហុង ស៊ីវលាំង ភេទប្រុស អាយុ២០ឆ្នាំ មុខរបរត់តុម្ដុំផ្សារ បឹងកេងកង ខណ្ឌបឹងកេងកង។
យោងតាមប្រភពពីជនរងគ្រោះបានឲ្យដឹងថាមុនពេលកើតជនរងគ្រោះអង្គុយលើម៉ូូតូរបស់ខ្លួនម៉ាកស្មាក់ រ៉េវ៉ូ ពណ័ខ្មៅ លាយទឹកក្រួច ពាក់ស្លាកលេខ1AM.4205 មុខហាងមួយកន្លែងជិតរង្វង់មូលផ្សារដើមថ្កូវ ខណៈពេលនោះលេចមុខជនសង្ស័យជាចោរឆក់២នាក់ជិះម៉ូតូវ៉េវ ពណ៌ ទឹកក្រូច ពាក់ស្លាកលេខរាជការសេរីចាស់ មកពីក្រោយធ្វើសម្មភាពឆក់ទូរសព្ទ័របស់គាត់ម៉ាកអាយហ្វូន១១ប្រូបានសម្រេចរួចហើយព្យាយាមជិះរត់ គេច ។ ជនរងគ្រោះបន្តថា ភ្លាមៗខ្លួនបានជិះម៉ូតូដេញតាមពីក្រោយរហូតមកដល់ចំណុចកើតហេតុខាងលើក៏បានជិះបំបុកពីក្រោយប៉ើងទាំងម៉ូតូនិងជនសង្ស័យទៅមុខផ្ទះប្រជាពរដ្ឋបណ្ដាលឲ្យអ្នកឌុបរងរបួសធ្ងន់បែកក្បាលហូរឈាមនិងម្នាក់អង្គុយពីក្រោយរងរបួសបែកមុខមាត់ត្រូវសមត្ថកិច្ចវាយខ្នោះ យកទៅសាកសួរ ។ ចំណែកជនសង្ស័យដែលរបួសធ្ងន់ត្រូវបញ្ជូនទៅសង្គ្រោះនៅមន្ទីរពេទ្យ ។
បច្ចប្បន្ន ជនសង្ស័យត្រូវសមត្ថកិច្ចនាំខ្លួនយកទៅធ្វើការសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមវិតិនិធីនៃច្បាប់៕
