ពិតជាគួរឲ្យសង្វេកខ្លាំងណាស់ព្រះអើយ ! ស្ត្រីម្នាក់ទៅរកត្រីត្រឡប់មកផ្ទះវិញកូនប្រុសលង់ទឹកស្លាប់២នាក់
ស្វាយរៀង ៖ ក្មេងប្រុសពីរនាក់បងប្អូនបង្កើត លង់ទឹកស្លាប់យ៉ាងអាណោចអធម៌ ខណៈដើរទៅរកម្ដាយដែលទៅរកត្រីនៅឯវាលស្រែ ហើយសង្ស័យនាំគ្នាចុះលេងទឹកស្រះ ៖ ហេតុការណ៍ភ្ញាក់ផ្អើលគួរអោយសង្វេកនេះបានកើតឡើងកាលពីវេលាម៉ោងប្រហែល៥ល្ងាចថ្ងៃទី០២ខែមករាឆ្នាំ២០២១នៅចំណុចស្រះទឹកមួយកន្លែងចំងាយប្រហែល៨០០ម៉ែត្រពីផ្ទះជនរងគ្រោះ ស្ថិតក្នុងភូមិចំរះ ឃុំស្វាយធំស្រុកស្វាុយជ្រំ ខេត្តស្វាយរៀង ។
សពក្មេងប្រុសរងគ្រោះទី១ មានឈ្មោះ ឡៃបញ្ញា អាយុ៧ឆ្នាំ-ទី២ ឈ្មោះ ឡៃ ផាន់ណា អាយុ៣ឆ្នាំ ។ មានម្ដាយឈ្មោះ ហ៊ុន ណុន អាយុ៣០ឆ្នាំជាង និងឪពុកឈ្មោះ អេង ឡាង អាយុ៣០ឆ្នាំជាងដូចគ្នា រស់នៅភូមិ.ឃុំកើតហេតុខាងលើ មានកូន៣នាក់ប្រុសទាំងអស់ ។
បើតាមសម្ដីស្ត្រីជាម្ដាយរបស់ក្មេងប្រុសរងគ្រោះទាំងពីរនាក់បានរៀបរាប់ទាំងទឹកភ្នែកអោយដឹងថា មុនពេលកើតហេតុម៉ោងប្រហែលជា១២ថ្ងៃត្រង់ថ្ងៃទី០២ខែមករាឆ្នាំ២០២១ រូបគាត់បានដើរទៅរកចាប់ត្រីនៅឯវាលស្រែដែលគេបូមស្រះដោយទុកកូនប្រុសតូចៗទាំង៣នាក់អោយប្ដីមើល ។ ស្ត្រីជាម្ដាយក្មេងប្រុសរងគ្រោះបានបន្តថា លុះដល់ម៉ោងប្រហែល៥ល្ងាចរូបគាត់ត្រឡប់មកពីរកត្រីវិញមិនឃើញកូនទាំងពីរនាក់ក៏បានសួរទៅប្ដីរបស់គាត់ ពេលនោះប្ដីគាត់បានប្រាប់ថាកូន បានដើរទៅរកគាត់នៅវាលស្រែ ភ្លាមៗក៏មានការភ្ញាក់ផ្អើល ហើយអ្នកជិតខាងក៏បាននាំគ្នាជួយដើរ រករហូតទៅដល់ចំណុចស្រះទឹកដែលជាកន្លែងកើតហេតុ មានចំងាយពីផ្ទះប្រហែល៨០០ម៉ែត្រក៏ប្រទះឃើញកូនគាត់ម្នាក់អណ្ដែតឃើញអាវក៏នាំគ្នាចុះរាវរកឃើញទាំងពីរនាក់ក៏ស្រង់ឡើងមកលើគោក តែជាអកុសលកូនគាត់បានស្លាប់បាត់បង់ជីវិតទាំងពីរនាក់ ដោយមិនដឹងថាលង់ទឹកតាំងពីពេលណាមកនោះទេ ។
ក្រោយសង់រួចក៏បានអ្នកជិតខាងជួយយកសពក្មេងប្រុសរងគ្រោះទាំងពីរនាក់មកផ្ទះដើម្បីរៀបចំធ្វើបុណ្យតាមប្រពៃណី ៕
សូមចូលរួមរំលែកទុក្ខដ៏ក្រៀមក្រំ របស់ក្រុមគ្រួសារសពផង ???។ សូមឪពុកម្ដាយគ្រប់រូបមេត្តាប្រុងប្រយត្ន័ចំពោះកូនតូចៗកុំអោយជួបរឿងដូចនេះ ។ សូមអគុណ???
