បុរសម្នាក់យកម៉ូតូមកលក់និយាយត្រូវថ្លៃគ្នាហើយពេលអ្នកទិញឲ្យលុយគ្រប់ បម្រុងយកលុយរត់ឡើងម៉ូតូត្រូវបានសមត្ថកិច្ចឃាត់ខ្លួន

ភ្នំពេញ៖ នៅវេលាម៉ោង ២.៣០នាទី ថ្ងៃ១២ ខែមករា ឆ្នាំ២០២១ បុរសម្នាក់សង្ស័យប្រើប្រាស់សារធាតុញៀនហួសកំរឹត យកម៉ូតូសង់០១៦ មកលក់ហើយ បានលុយដល់ដៃហើយ ចង់យកម៉ូតូខ្លួនបង្រុងរត់ ត្រូវសមត្ថកិច្ចឃាត់ខ្លួនធ្វើការសាកសួរ សង្កាត់ទឹកល្អក់ទី៣ ខណ្ឌទួលគោក ។

តាមប្រភពព័ត៌មានពីអ្នកដែលទិញម៉ូតូបានឲ្យដឹងថា បុរសខាងលើបានយកម៉ូតូឌ្រីមសង់ ០១៦ មកលក់ឱ្យគាត់ក្នុងតម្លៃ ៨២០$ ដោយមានកាតគ្រីត្រឹមត្រូវ បន្ទាប់ពីនិយាយថ្លៃត្រូវគ្នាហើយអ្នកទិញក៏ប្រគល់លុយឲ្យទៅបុរសខាងលើ ពេលដែលបានទទួលលុយហើយ បុរសខាងលើមិនព្រមប្រគល់សារឲ្យហើយបម្រុងឡើងលើម៉ូតូយកលុយរត់ គាត់ត្រូវបានក្រុមគ្រួសារអ្នកទិញម៉ូតូឃាត់ខ្លួនបានប្រគល់ឲ្យសមត្ថកិច្ចយកមកធ្វើការសាកសួរនៅប៉ុស្តិ៍ទឹកល្អក់ ៣។