ឃាត់រថយន្តក្រឡុកបេតុងមួយគ្រឿង ដែលបានធ្វេីឱ្យប្រឡាក់ផ្លូវលេខ៤០០ ក្នុងក្រុងព្រះសីហនុ
ខេត្តព្រះសីហនុ÷ នាយប់ថ្ងៃទី១៤ ខែមករា ឆ្នាំ២០២១ ក្រុមការងារក្រុងព្រះសីហនុ បានចុះឃាត់រថយន្តក្រឡុកបេតុង ដែលកំពុងចាក់បេតុងនៅការដ្ឋានសំណង់មួយកន្លែង តាមបណ្តោយផ្លូវលេខ៤០០ ស្ថិតនៅភូមិ៤ សង្កាត់៤ ក្រុងព្រះសីហនុ ។
សកម្មភាពចាក់បេតុងនេះ បានបណ្តាលឱ្យប្រឡាក់ផ្លូវលេខ៤០០ ដែលជាផ្លូវមួយក្នុងចំណោមផ្លូវទាំង៣៤ខ្សែ ដែលជាគម្រោងរបស់រាជរដ្ឋាភិបាល ហេីយបច្ចុប្បន្នផ្លូវនេះ ក្រុមហ៊ុនពិស្ណុការ បានធ្វេីការសំអាតជារៀងរាល់ថ្ងៃ និងត្រៀមអ៊ុតកៅស៊ូ AC នាពេលឆាប់ៗនេះ។
ចំពោះក្រុមហ៊ុនក្រឡុកបេតុង ដែលបានធ្វេីឱ្យប៉ះពាល់ដល់ផ្លូវខាងលេី ត្រូវបានក្រុមការងារក្រុងយកមករក្សាទុកនៅសាលាក្រុង និងតម្រូវឱ្យក្រុមហ៊ុន លាងសំអាតផ្លូវឱ្យបានស្អាតដូចដេីម។
ជាមួយគ្នានោះដែររដ្ឋបាលក្រុងព្រះសីហនុ ក៏បានសំនូមពរដល់ក្រុមហ៊ុនដែលប្រកបអាជីវកម្មក្រឡុកបេតុងក្នុងក្រុងទាំងអស់ បង្កេីនការប្រុងប្រយ័ត្ន កុំធ្វេសប្រហេសការងារ និងសូមយកចិត្តទុកដាក់ចូលរួមថែរក្សា សំអាតផ្លូវថ្នល់ដែលជាសមទ្ធិផលរបស់រាជរដ្ឋាបាល៕
