រថយន្តមួយគ្រឿងបោះពួយឡើងសួនចែកទ្រូងផ្លូវបុករះដើមផ្ការនិងបង្គោលប៉ាណូមួយដើមបណ្តាលឲ្យទ្រេតផ្ទប់ជាប់ទៅមុខលែងរួច

ភ្នំពេញ៖ រថយន្តស៊េរីទំនើបម៉ាកford ranger ពាក់ស្លាកលេខរដ្ឋមួយគ្រឿងបោះពួយឡើងលើសួនចែកទ្រូងផ្លូវ បុករះគុម្ពផ្កាបាក់អស់ជាច្រើនគុម្ពនិងបង្គោលប៉ាណូមួយដើមបណ្ដាលឲ្យទ្រេត ឯរថយន្តផ្ទប់ជាប់រងការខូចខាតយ៉ាងដំណំទៅមុខលែងរួច។

ហេតុការណ៍នេះកើតឡើងកាលពីវេលាម៉ោង១៩ និង៣០ នាទីថ្ងៃទី២០ ខែមករា ឆ្នាំ ២០២១ នៅចំណុចក្បែរវត្តកៀនឃ្លាំង តាមបណ្តោយផ្លូវជាតិលេខ៦A ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តមួយគ្រឿងពណ៌ខ្មៅពាក់ស្លាកលេខរដ្ឋ19 2-0074ធ្វើដំណើរតាមបណ្តោយផ្លូវជាតិលេខ ៦Aទិសដៅពីកើតទៅលិចចូលមកក្រុងភ្នំពេញ លុះមកដល់ចំណុចកើតហេតុខាងលើបានរាយការណ៍ចង្កូតមកខាងឆ្វេងដៃឡើងលើសួនចែកទ្រូងផ្លូវបុករះដើមផ្កាប៉ាក់អស់ជាច្រើនគុម្ព នឹងបង្គោលប៉ាន់ណូមួយដើមបណ្ដាលឲ្យទ្រេត ឯរថយន្តខូចខាតផ្នែកខាងមុខយ៉ាងដំណំផ្ទប់ជាប់ទៅមុខលែងរួច។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំធ្វើការដោះស្រាយគ្នាទៅតាមផ្លូវច្បាប់៕