ប្រញាប់ទៅមើលតាឈឺបើករថយន្តបុករថយន្តដឹកដីពីក្រោយរួចមួយកំណាត់មុខនៅលើស្ពានលីយ៉ុងផាត់
ភ្នំពេញ ៖ ប្រញាប់ទៅមើលតាឈឺរថយន្តបុករថយន្តដឹកដីពីក្រោយពេញទំហឹង បណ្ដាលឲ្យខ្ទេចរថយន្តមួយកំណាត់មុខ ទៅមុខលែងរួច បង្កការកកស្ទះយ៉ាងខ្លាំង បានប្រជាការពារមកជួយសម្រួលចរាចរណ៍។
ហេតុកហេតុការណ៍នេះបានកើតឡើងនៅម៉ោងជាង២សៀលថ្ងៃទី០៧ខែកុម្ភៈឆ្នាំ២០២១ ស្ថិតនៅលើស្ពានលីយ៉ុងផាត់ ប៉ែកខាងកើត ក្នុងសង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ។
ប្រភពព័ត៌មានពីអ្នកបើកបរបានឲ្យដឹងថា ពួកគាត់ទាំងពីរធ្វើដំណើរស្របទិសគ្នាពីកើតទៅលិច ដោយរថយន្តដឹកដីធុនធំពណ៌ខៀវ ពពាក់ស្លាកលេខកំពងចាម 3A-0244 បើកពីមុខ និងមានគ្នា២នាក់ប្រពន្ធ នៅក្នុងរថយន្តដោយដឹកដីពីរណ្ដៅដី (តាកៅ) ទៅចាក់នៅជិតវិមានឈ្នះឈ្នះ ចាក់ដីរួចត្រឡប់មកវិញដល់ចំណុចកើតហេតុ បានអកហ្សើជាមួយរថយន្តមួយគ្រឿងទៀត ក៏ជាន់ហ្វ្រាំងជាប់ បណ្ដាលឲ្យរថយន្តRAV4 ពពណ៌ឈាពណ៌ឈាមជ្រូកពាក់ស្លាកលេខភ្នំពេញ 2C-4142 ដែលធ្វើដំណើរ២នាក់ឪពុកនិងកូន ពីផ្ទះស្ពានលេខ២ ខណ្ឌជ្រោយចង្វា គោលបំណងទៅមើលតាឈឺនៅម្ដំសាលាកូរ៉េ ឡើងស្ពានបន្តិច បានជ្រុលរថយន្តដឹកដីពីក្រោយពេញទំហឹង បណ្ដាលឲ្យរថយន្តRAV4រួញមួយកំណាត់មុខ។
បន្ទាប់ពីកើតហេតុភាគីទាំងពីរ បានសម្របសម្រួលគ្នា ដោយខាងរថយន្តRAV4 សុំទៅខាងរថយន្តដឹកដីជួយចេញថ្លៃដឹករថយន្តយកទៅជួសជុល ទើបភាគីរថយន្តដឹកដីជួយចេញ 50$ដើម្បីបញ្ចប់រឿង នៅកន្លែងកើតហេតុ៕
