រថយន្តដឹកកម្មករបើករេចង្កូតក្រឡាប់ធ្លាក់ចូលស្រែរងរបួសកម្មករធ្ងន់ ស្រាលជាង៨០នាក់ នៅស្រុកបាទី អ្នកបើកបររត់គេចខ្លួនបាត់.!

ខេត្តតាកែវ៖ ករណីគ្រោះថ្នាក់ចរាចរណ៍នេះបានកើតឡើងនាវេលាម៉ោង ៦ព្រឹកថ្ងៃទី៩ ខែកុម្ភៈ ឆ្នាំ២០២១នេះនៅភូមិត្រពាំងក្រសាំង ឃុំកណ្ដឹង ស្រុកបាទី ខេត្តតាកែវ ។

លោក ភួង ឈីម អភិបាលស្រុកបាទី បានប្រាប់ អោយដឹងថា ៖គ្រោះថ្នាក់ចរាចរណ៍នេះ បណ្ដាលឱ្យកម្មករជាង ៨០នាក់ បានរងរបួសធ្ងន់ស្រាល ក្នុងនោះអ្នករងរបួសធ្ងន់ម្នាក់ ត្រូវបានបញ្ជូនទៅព្យាបាលបន្ទាន់ នៅមន្ទីរពេទ្យរាជធានីភ្នំពេញ និង៦នាក់ត្រូវបញ្ជូនមកព្យាបាលនៅមន្ទីរពេទ្យខេត្តតាកែវ ហើយអ្នករងរបួសផ្សេងទៀតត្រូវបានបញ្ជូនមកព្យាបាលនៅមន្ទីរពេទ្យបង្អែកស្រុកបាទី។

មូលហេតុ តៃកុងខ្វះការប្រុងប្រយត្នួ័ ដឹកលើសចំណុះ នឹងដោយសារភ្លៀងកាលពីយប់មិញ ផ្លូវលើខ្នងប្រឡាយរអិល ហើយក្រោយពីកើតហេតុសមត្ថកិច្ចចេញជួយសង្គ្រោះភ្លាមៗ ចំណែកអ្នកបើកបរបានរត់គេចខ្លួនបាត់៕