ជនបរទេសស្រវឹងស្រាបើករថយន្តបុករបាំងថ្មចែកទ្រូងផ្លូវក្រឡាប់ផ្ងាជើង

ភ្នំពេញ៖ បុរសជនជាតិបរទេសម្នាក់ ស្រវឹងស្រាបើក រថយន្តមិនប្រយត្ន័រេចង្កូតជ្រុលទៅបុករបាំងថ្មពុះចែក ទ្រូងផ្លូវបាក់អស់៣កង់ រថយន្តក្រឡាប់ជើងច្រង៉ាង ។
ហេតុការណ៍គ្រោះថ្នាក់ចរាចរណ៍គួរឲ្យរន្ធត់នេះ បានកើតឡើងកាលពីវេលាម៉ោង៣និង ២០នាទី រំលងអាធាត្រ ឈានចូលថ្ងៃទី១៥ ខែកញ្ញា ឆ្នាំ២០១៨ នៅ ចំណុចក្បែរក្ដាន់ពីរ តាមបណ្ដោយផ្លូវសហព័ន្ធរុសស្សុី ស្ថិតក្នុងសង្កាត់ស្រះចក ខណ្ឌដូនពេញ រាជធានី ភ្នំពេញ។

បើតាមប្រភពព័ត៌មានពីប្រជាពលរដ្ឋបានឲ្យដឹងថាមុខ ពេលកើតហេតុគេឃើញមានរថយន្ដម៉ាក RAV4 ពណ៌ទឹកប្រាក់ ពាក់ស្លាកលេខភ្នំពេញ 2AS-3170 បើកបរដោយបុរសម្នាក់ធ្វើដំណើរតាមបណ្ដោយផ្លូវសហព័ន្ធរុស្សុី ទិសដៅពីកើតទៅលិចក្នុងល្បឿនលឿង ខណៈមកដល់ចំណុចកើតហេតុរថយន្តបានរេចង្កូជ្រុលទៅបុកក្បាលនាគពុះចែកទ្រូងផ្លូវបណ្ដាល ឲ្យបាក់អស់៣កង់ ចំណែករថយន្ដបង្កបានក្រឡាប់ជើងច្រង៉ាងរងការខូចខាតយ៉ាងដំណំ ចំណែកអ្នកបើក រថយន្ដត្រូវបានប្រជាពលរដ្ឋវាយកញ្ចក់រថយន្តយក ចេញ សំណាងល្អរបួសស្រាល ។

ក្រោយពេលកើតហេតុ សមត្ថកិច្ចមូលដ្ឋានបានចុះមក ដល់កន្លែងកើតហេតុ និងទាក់ទងទៅជំនាញចរារណ៍ជើងគោក នៃស្នងការដ្ឋាននគរបាលរាជធានីភ្នំពេញ ឲ្យមកធ្វើការវាស់វែងយករថយន្ដបង្កទៅរក្សាទុករង់ចាំដោះស្រាយទៅតាមផ្លូវច្បាប់៕