រថយន្តដឹកកម្មករ បើកបុកគោងាប់១ក្បាល ក្រឡាប់ធ្លាក់ផ្លូវ បណ្តាលឲ្យកម្មកររងរបួសធ្ងន់ស្រាល១៥នាក់ទាំងព្រលឹម..!
កំពង់ស្ពឺ៖ ហេតុការណ៍នេះបានកើតឡើងនាវេលាម៉ោង៦ និង២០នាទីព្រឹក ថ្ងៃទី២០ ខែកុម្ភ: ឆ្នាំ២០២១ នៅលើផ្លូវលំលេខ109 ត្រង់ចំណុចភូមិក្រាំងម្កាក់ ឃុំតាំងក្រូច ស្រុកសំរោងទង ខេត្តកំពង់ស្ពឺ ។
តាមរបាយការណ៍ពីកន្លែងកើតហេតុ បានឲ្យដឹងថា គ្រោះថ្នាក់នេះបង្កឡើងដោយ រថយន្តមួយគ្រឿង ម៉ាកហ៊ីយិនដាយ ដឹកកម្មកររោងចក្រចំនួន៧០នាក់ ស្រី៦៥នាក់ ពណ៌ស ពាក់ផ្លាកលេខកំពង់ស្ពឺ 3A-1399 អ្នកបើកបរឈ្មោះ ប៊ី សារិន ភេទប្រុស អាយុ ៣៥ឆ្នាំ រស់នៅភូមិទឹកស្អុយ ឃុំទំព័រមាស ស្រុកសំរោងទង ខេត្តកំពង់ស្ពឺ បើកបរពីទិសខាងលិចទៅកើត មកដល់ចំណុចខាងលើ បានបុកគោ ១ក្បាល សម្បុរស បណ្តាឲ្យរថយន្តធ្លាក់ផ្លូវផ្អៀងនៅខាងជើងផ្លូវ បណ្តាលឲ្យងាប់គោញី ១ក្បាល និងរងរបួសស្រាលចំនួន១៥នាក់ស្រី ។
ចំពោះអ្នកបើកបររថយន្ដ ក្រោយពេលកើតហេតុបានគេចខ្លួន និងវត្ថុតាងរថយន្ត ១គ្រឿងរក្សាទុកនៅប៉ុស្តិ៍ នគរបាលរដ្ឋបាលតាំងក្រូច៕
