ចោរច្រើនម្លេះខណ្ឌពោធិសែនជ័យទុកម៉ូតូមួយភ្លែតកាច់កយកបាត់

ភ្នំពេញ៖ បុរសម្នាក់ទុកម៉ូតូមុខហាងត្រូវជនសង្ស័យម្នាក់ ធ្វើសកម្មភាពលួចកាច់សោរ.កបានសម្រេចរួចយកជិះ គេចខ្លួនបាត់ស្រមោលដោយសុវត្ថិភាព
ហេតុការនេះបានកើតឡើងកាលពីវេលាម៉ោង១០និង ៤៧នាទីយប់ថ្ងៃទី២៣ខែកញ្ញាឆ្នាំ២០១៨ត្រង់ចំណុចមុខ ហាងចិន យីហោ( សឺវួចធាន ) នៅតាមបណ្ដោយផ្លូវ ជាតិលេខ៤ស្ថិតក្នុងសង្កាត់កន្ធោក ខណ្ឌពោធិសែនជ័យ រាជធានីភ្នំពេញ ។

ជនរងគ្រោះមានឈ្មោះ វ៉ាយ កវី ភេទប្រុសអាយុជាង ២០ឆ្នាំធ្វើការនិងស្នាក់នៅកន្លែងកើតហេតុ មានស្រុក កំណើតភូមិស្រែជា ឃុំចំប៉ី ស្រុកអង្គជ័យ ខេត្តកំពត ។

បើតាមសម្ដីជនរងគ្រោះបានឲ្យដឹងថា មុនពេលកើតខ្លួនបានយកម៉ូតូម៉ាកលែត ពាក់ស្លាកលេខ ភ្នំពេញ 1GE-1907 យកមកទុកនៅខាងមុខហាងរួចបានបើក រថយន្តជួនមេ របស់ខ្លួនចេញទៅក្រៅ ខណៈដែលត្រឡប់មកវិញស្រាប់តែបាត់ម៉ូតូ ភ្លាមៗខ្លួនបានទៅឆែកកាមេរ៉ាសុវត្ថិភាពក៏ឃើញសកម្មភាពជនសង្ស័យម្នាក់កាច់សោរ.កយកចេញទៅបាត់ទៅហើយ ។

ក្រោយពេលកើតជនរងគ្រោះបានត្រឹមតែសោក ស្ដាយម៉ូតូដែលខ្លួនខំប្រឹងធ្វើការសន្សំលុយតិចតួច ដើម្បីទិញជិះធ្វើការតែប៉ុណ្ណោះនិងបានដើរទៅដាក់ ពាក្យបណ្ដឹងនៅប៉ុស្តិនគរបាល ដើម្បីឲ្យសមត្ថកិច្ចជួយអន្តរាគមន៍ ស្រាវជ្រាវស្វែងរក ៕