ឆក់ទូរស័ព្ទពីនារីម្នាក់បានសម្រេចត្រូវសមត្ថកិច្ចដេញតាមចាប់បានវាយខ្នោះ

ភ្នំពេញ៖ កម្លាំងសមត្ថកិច្ចនគរបាលខណ្ឌចំការមនបានសហការជាមួយនគរបាលខណ្ឌដូនពេញ ដេញតាមចាប់ឃាត់ខ្លួនជនសង្ស័យម្នាក់ក្រោយធ្វើសកម្មភាបឆក់ ទូរស័ទ្ទពីនារីម្នាក់បានសម្រេច កាលពីរសៀលថ្ងៃទី ២៥ ខែកញ្ញា ឆ្នាំ២០១៨ ហេតុការណ៍នេះបានកើតឡើងនៅចំណុច ផ្លូវ៣៦០ កែងផ្លូវលេខ១០៥ សង្កាត់បឹងកេងកងទី៣ ខណ្ឌចំការមន រាជធានីភ្នំពេញ។

សមត្ថកិច្ចបានអោយដឹងថាជនសង្ស័យដែលត្រូវឃាត់ខ្លួនមានឈ្មោះ នង បៀត អាយុ១៨ឆ្នាំ មុខរបរសិស្សថ្នាក់ទី១០ នៅវិទ្យាល័យយុគន្ធរ ស្នាក់នៅផ្ទះលេខ១៣៣ ផ្លូវ១៤៣ សង្កាត់បឹងកេងកងទី៣ ខណ្ឌចំការមន ។

ប្រភពដដែរបន្តថាមុនពេលកើតហេតុនារី រងគ្រោះបានដើរកាន់ទូរស័ទ្ទនិយាយតាមបណ្តោយផ្លូវលេខ៣៦០ ខណះមកដល់ចំណុចកើតហេតុស្រាប់តែជនសង្ស័យម្នាក់ជិះម៉ូតូម៉ាកសុីរូស មកក្បែរនឹងឆក់ទូរស័ព្ទពីនារីរងគ្រោះបានសម្រេចហើយព្យាយាមជិះគេច ប៉ុន្តែត្រូវបាននារីរងគ្រោះស្រែកថាចោរៗបង្កការភ្ញាក់ផ្អើលដល់អ្នកដំណើររួមទាំងសមត្ថកិច្ចមូលដ្ឋានដេញតាមរហូតដល់ចំណុចមុខសាលាឧទ្ទរ ផ្លូវព្រះសុីសុវត្ថិ ក៏ត្រូវបានកម្លាំងសមត្ថកិច្ចក្របួចបានយកមកកាន់ស្នាក់ការនគរបាលប៉ុស្តិរដ្ឋបាលបឹងកេងកងទី៣ភ្លាមៗ។

ក្រោយកើតហេតុនារីរងគ្រោះបានមកដាក់ពាក្យបណ្តឹងនៅប៉ុស្តិរដ្ឌបាលដើម្បីងាយស្រួលដល់សមត្ថកិច្ចចាត់វិធានការ ចំណែកជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌចំការមនរងចាំបញ្ជូនបន្តទៅតុលាការផ្តន្ទាទោសតាមនីតិវិធីច្បាប់៕