រថយន្ត៣គ្រឿងបុកគ្នារងរបួសធ្ងន់និងស្រាល៣នាក់

កំពង់ចាម៖ រថយន្តសាំយ៉ុងបើកបរក្នុងល្បឿនលឿនបែកកង់មុខរេចង្កូតឡើងសួនច្បារ ចែកទ្រូងផ្លូវហោះឆ្លងជ្រុលទៅបុករថយន្ត២គ្រឿងទៀតបណ្ដាលឲ្យរងរបួសមនុស្សធ្ងន់និងស្រាល៣នាក់ ចំណែករថយន្តរងការខូចខាតយ៉ាង ដំណំទាំង៣គ្រឿង ៖ ហេតុការគ្រោះថ្នាក់ចរាចរណ៍ ដ៏រន្ធត់នេះបានកើតឡើងកាលពី វេលាម៉ោង១២និង៤០ នាទីរសៀលថ្ងៃទី២៨ ខែកញ្ញា ឆ្នាំ២០១៨ នៅតាមបណ្ដោយផ្លូវជាតិលេខ៦ ត្រង់ចំណុច ហ្គារ៉ាស់ ប្រេងឥន្ធនៈ​ តូតាល់ ភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ។

បើយោងតាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្ត សាំយ៉ុង ពណ៌ស ពាក់ស្លាកលេខភ្នំពេញ2AH-5278 បើកដោយបុរសឈ្មោះ ឃ្លោក សារិទ្ធ អាយុ២៣ឆ្នាំទីលំនៅភូមិពោធ៍ ឃុំសំពងជ័យ ស្រុកជើងព្រៃ ខេត្តកំពង់ចាម ។ ធ្វើដំណើរទិសដៅពីជើងទៅត្បូង ខណៈ មកដល់ចំណុចកើតហេតុស្រាប់តែរថយន្តបែកកង់ខាង មុខរេចង្កូតឡើងសួនច្បារចែកទ្រូងផ្លូវហោះឆ្លងទៅ បុក រថយន្តម៉ាកគៀ ពណ៌ស ពាក់ស្លាកលេខភ្នំពេញ 3A-7470 ពេញទំហឹងហើយរថយន្តសាំយ៉ុងមិនទាន់ អស់ល្បឿនក៏បន្តទៅជ្រុលទៅបុករថយន្ត១គ្រឿងទៀតម៉ាកប៉ាសេរ៉ូពណ៍សពាក់ផ្លាកលេខ2AQ-1989 ដែលរថយន្តទាំង២គ្រឿងបើកបរបញ្ច្រាស់ទិសគ្នាជា មួយរថយន្តសាំយ៉ុង។ នៅក្នុងហេតុការគ្រោះថ្នាក់នោះ បណ្ដាលឲ្យរងរបួសធ្ងន់២នាក់ទាំងអ្នកបើករថយន្តសាំយ៉ុងចំណែកម្នាក់ទៀតរបួសស្រាល ត្រូវបានរថយន្ត សង្គ្រោះដឹកយកទៅសង្គ្រោះនៅមន្ទីរពេទ្យ ។ ដោយ ឡែកតៃកុងរថយន្ត២គ្រឿងទៀតមិនបានរងរបួសនោះទេ ។

ក្រោយពេលកើតហេតុកម្លាំងសមត្ថកិច្ចមូលដ្ឋានបាន សហការជាមួយកម្លាំងសមត្ថកិច្ចជំនាញចរាចរណ៍ចុះ ទៅធ្វើការវាស់វែងយករថយន្តទាំង៣គ្រឿងទៅរក្សា ទុកនៅអធិការរដ្ឋាននគរបាលស្រុកបាធាយរងចាំដោះ ស្រាយតាមច្បាប់នៅពេលក្រោយ ៕