បុរសវ័យ៦៨ឆ្នាំម្នាក់ត្រូវគោរបស់ខ្លួនជល់បណ្ដាលឲ្យស្លាប់នៅវាលស្រែ
ស្វាយរៀង ៖ ប្រជាពលរដ្ឋបានប្រទះឃេីញបុរសចំណាស់ម្នាក់ដេកស្លាប់នៅវាលស្រែអែបភ្លឺ បង្កឲ្យមានការភ្ញាក់ផ្អេីលកាលពីវេលាម៉ោងប្រហែល០៨ព្រឹកថ្ងៃទី៥ខែធ្នូឆ្នាំ២០២២នៅចំណុចវាលស្រែ ភូមិស្វាយដូនអី ឃុំស្វាយធំ ស្រុកស្វាយជ្រំ ខេត្តស្វាយរៀង ។
ជនរងគ្រោះមានឈ្មោះ ម៉ម ផល ភេទប្រុសអាយុ ៦៨ឆ្នាំ រស់នៅភូមិស្វាយដូនអី ឃុំស្វាយធំ ស្រុកស្វាយជ្រំ ខេត្តស្វាយរៀង ។
បេីតាមប្រភពពីប្រជាពលរដ្ឋបានឲ្យដឹងថា កាលពីថ្ងៃទី០៤ខែឆ្នូឆ្នាំ២០២២ ជនរងគ្រោះបានទៅវាលដេីម្បីមេីលគោ តែមិនឃេីញមកផ្ទះ ហេីយប្រពន្ធមិនបានចាប់អារម្មណ៍រកនោះទេ លុះដល់ព្រឹកថ្ងៃទី០៥ខែឆ្នាំដដែលទេីបមានគេប្រទះឃេីញជនរងគ្រោះដេកស្លាប់នៅវាលស្រែ ក៏មានការភ្ញាក់ផ្អេីលនិងបានរាយការណ៍ទៅអាជ្ញាធរនិងសមត្ថកិច្ចមូលដ្ឋាន ចុះទៅពិនិត្យតែម្ដង ។
ប្រភពបន្តថា ជនរងគ្រោះដែលស្លាប់គេបានដាក់ការសង្ស័យថា គោ របស់គាត់ជល់ ព្រោះកន្លងមកគោ របស់គាត់ធ្លាប់ជល់គាត់រងរបួសម្ដងរួចមកហេីយ។
តាមការសន្និដ្ឋានរបស់សមត្ថកិច្ចនិងមន្ត្រីសុខាភិបាល ក្រោយពិនិត្យនិងធ្វេីកោសលវិឆ្ច័យបានបញ្ជាក់ថា ជនរងគ្រោះស្លាប់ដោយសារគោជល់ រួចក៏បានធ្វេីកំណត់ហេតុប្រគល់ សពជនរងគ្រោះអោយទៅក្រុមគ្រួសារសាច់ញាតិ រៀបចំធ្វេីបុណ្យតាមប្រពៃណី ៕
