យើងខ្ញុំជាអាណាព្យាបាលរបស់កូនស្រីឈ្មោះ ឌៀប ស្រីឡាយ រស់នៅភូមិហង្សឈូក ឃុំស្វាយ ស្រុកសាមគ្គីមានជ័យ ខេត្ដកំពង់ឆ្នាំង។

យើងខ្ញុំសូមប្រកាសស្វែងរកកូនស្រីឈ្មោះ ឌៀប ស្រីឡាយ ដែលបានបាត់ខ្លូនពីផ្ទះចាប់តាំងពីដើមខែឧសភា ឆ្នាំ២០២៣ រហូតមកដល់បច្ចុប្បន្ន។

កូនស្រីរបស់យើងខ្ញុំ បានចាកចេញពីផ្ទះកាលពីដើមខែធ្នូ ឆ្នាំ២០២២ ដោយប្រាប់ថា ទៅធ្វើការនៅភោជនីយដ្ឋានមួយកន្លែងនៅក្បែរវត្តភ្នំព្រះធាតុ ក្នុងស្រុកសាមគ្គីមានជ័យ ខេត្តកំពង់ឆ្នាំង។

លុះដល់ដើមខែឧសភា ឆ្នាំ២០២៣ ម្ចាស់ភោជនីយដ្ឋាន ប្រាប់ថាកូនស្រីរបស់យើងខ្ញុំឈ្មោះ ឌៀប ស្រីឡាយ បានឈប់ធ្វើការ និងចាកចេញពីភោជនីយដ្ឋាន ដោយមានស្រី២នាក់មិនស្គាល់អត្តសញ្ញាណជាអ្នកនាំទៅ។

ចាប់តាំងពីពេលនោះមក យើងខ្ញុំជាអាណាព្យាបាល និងគ្រួសារ ពុំដែលបានទទួលដំណឹងពីកូនស្រីឈ្មោះ ឌៀប ស្រីឡាយ ឡើយ ទើបសម្រេចចិត្តផ្សព្វផ្សាយជាសាធារណៈដើម្បីស្វែងរក។

បើកូនស្រីបានឃើញដំណឹងស្វែងរកនេះ សូមកូនស្រីទាក់ទងមកអ្នកផ្ទះ និងវិលត្រលប់មកផ្ទះវិញ អ្នកផ្ទះមិនបានខឹងសម្បាអ្វីកូននោះទេ។

ប្រើសិនបើបងប្អូន បានឃើញកូនស្រីរបស់យើងខ្ញុំដូចរូបខាងក្រោមនេះ សូមជួយទាក់ទងតាមលេខទូរស័ព្ទ ០១៦ ៩៣ ៣៤ ៣១/០៨១ ៩៧៦ ៤៦៩៕