ប្រទះឃេីញសពស្ត្រីម្នាក់នៅលើផ្លូវជាតិលេខ៥ ត្រង់ចំណុចស្រុកកំពង់ត្រឡាច បង្កការភ្ញាក់ផ្អេីល
កំពង់ឆ្នាំង ៖ គួរឲ្យសង្វេកណាស់ ! ខណ:ប្រទះសាកសពស្ត្រីម្នាក់ នៅលេីផ្លូវជាតិលេខ៥ ត្រង់ចំណុចចន្លោះគីឡូម៉ែត្រលេខ៤១+៤២ ស្ថិតនៅ ភូមិផ្សារត្រាច ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ៖ ហេតុការណ៍នេះបានបង្កការភ្ញាក់ផ្អេីល កាលពីវេលាម៉ោងប្រហែល០៤ ទាបភ្លឺ ថ្ងៃទី១៦ខែតុលាឆ្នាំ២០២៣ ។
សមត្ថកិច្ចនគរបាលស្រុកកំពង់ត្រឡាច បានឲ្យដឹងថា សពស្ត្រី រងគ្រោះត្រូវបានគេស្គាល់ឈ្មោះថា ឡុង សំអឿន អាយុ៥៧ឆ្នាំ រស់នៅភូមិវាំងចាស់ ឃុំវាំងចាស់ ស្រុកឧត្តុង ខេត្តកំពង់ស្ពឺ ។
សមត្ថកិច្ចបន្តថា ស្ត្រី រងគ្រោះខាងលើជាមនុស្សមានសតិមិនគ្រប់ ហេីយបងប្អូនប្រជាពលរដ្ឋ ក៏បានបញ្ជាក់ថា ជនរងគ្រោះបានបាត់ពីផ្ទះបីទៅបួនថ្ងៃមកហេីយ ។
ក្រោយសមត្ថកិច្ចជំនាញចុះពិនិត្យធ្វើកុសលវិច្ច័យ លេីជនរងគ្រោះរកឃើញមានរបួសកំភួនជើងឆ្វេង បែកក្បាលខាងឆ្វេង និងមានស្នាមរលាត់ខ្នង ហេីយនៅជិតនោះក៏មានបំណែកម៉ូតូពណ៌ខ្មៅមួយបំណែកដែរ ។ រួមផ្សំ សាក្សី និងគ្រូពេទ្យ ទើបសមត្ថកិច្ច សន្និដ្ឋានថា គឺជាករណីគ្រោះថ្នាក់ចរាចរណ៍។ និងបានធ្វេីកំណត់ហេតុប្រគល់សពអោយទៅក្រុមគ្រួសារធ្វើបុណ្យតាមប្រពៃណី ៕
