សមត្ថកិច្ច ខណ្ឌពោធិ៍សែនជ័យ ឃាត់ខ្លួនជនសង្ស័យម្នាក់រួមនឹងគ្រឿងញៀន០៩កញ្ចប់

ភ្នំពេញ ៖ ជនសង្ស័យម្នាក់ត្រូវបានកម្លាំងសមត្ថកិច្ចនគរបាល ខណ្ឌពោធិ៍សែនជ័យ ធ្វើការឃាត់ខ្លួនរួមនិងថ្នាំញៀន០៩ កញ្ចប់ ៖ ហេតុការណ៍នេះបានកើតឡើងកាលពីវេលាម៉ោង១៥និង០០នាទីថ្ងៃទី១១ខែមករា ឆ្នាំ២០២៤ នៅចំណុចផ្លូវបេតុង ភូមិត្រពាំងពោធិ៍ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។

សមត្ថកិច្ចបានឲ្យដឹងថា មុនពេលឃាត់ខ្លួនជនសង្ស័យកម្លាំងសមត្ថកិច្ចនគរបាលផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌពោធិ៍សែនជ័យ បានជិះម៉ូតូល្បាតក្នុងភូមិសាស្ត្រស្មុគស្មាញដើម្បីទប់ស្កាត់បទល្មើសផ្សេងៗជូនប្រជាពលរដ្ឋក្នុងមូលដ្ឋាន លុះជិះមក ដល់ចំណុចផ្លូវបេតុង ភូមិត្រពាំងពោធិ៍ សង្កាត់ចោមចៅ៣ ខណៈសមត្ថកិច្ចកំពុងតែជិះល្បាតក៏ប្រទះឃើញជនសង្ស័យម្នាក់ កំពង់ឈរស្ពាយកាបូប ដោយមានការសង្ស័យ កម្លាំងសមត្ថកិច្ច ក៏បានសុំធ្វើការត្រួតពិនិត្យនិងឆែកឆេ រកឃើញក្រាមពណ៌សថ្លាចំនួន០៩ កញ្ចប់ លាក់នៅក្នុងកាបូបស្ពាយ ក្រោយរកឃើញសមត្ថកិច្ចបានដករហូតយកវត្ថុតាងនិងនាំខ្លួនជនសង្ស័យយកមកធ្វើការសាកសួរតាមនីតិវិធី។

សមត្ថកិច្ចបានបញ្ជាក់ថា ជនសង្ស័យដែលឃាត់ ខ្លួនមានឈ្មោះ ថុន រិទ្ធី ភេទប្រុសអាយុ៣៥ ឆ្នាំជនជាតិខ្មែរ មុខរបរលក់ដូរ ទីលំនៅបច្ចុប្បន្នស្នាក់នៅភូមិត្រពាំងពោធិ៍ សង្កាត់ចោមចៅ៣ ខណ្ឌពោធិ៍សែនជ័យ ។

ក្រោយសមត្ថកិច្ចធ្វើការសាកសួរជនសង្ស័យបានសារភាពថា ម្សៅក្រាមសថ្លាសង្ស័យសារធាតុញៀនពិតជារបស់ខ្លួនប្រាកដមែន។

បច្ចុប្បន្ន ជនសង្ស័យរួមនិងវត្ថុតាងត្រូវបានសមត្ថកិច្ចនគរបាល ខណ្ឌពោធិ៍សែនជ័យ កសាងសំណុំរឿងដើម្បីចាត់ការបន្តតាមនីតិវិធី៕