បើករថយន្ដដឹកកម្មករក្នុងល្បឿនលឿនមិនប្រយត្ន័ជ្រុលទៅបុករះកម្មករ-កម្មការនីបណ្ដាលឲ្យស្លាប់ម្នាក់ និងរងរបួសធ្ងន់ស្រាលជាច្រើននាក់
ខេត្តស្វាយរៀង ៖ យ៉ាងហោចណាស់នារីកម្មការនីមា្នក់បានស្លាប់និងកម្មករកម្មការនីជាច្រើននាក់ទៀតបានរងរបួសធ្ងន់និងស្រាលក្នុងហេតុការណ៍គ្រោះថ្នាក់ចរាចរណ៍ដ៏ររន្ធត់មួយ បង្កឡើងដោយរថយន្តដឹងកម្មករ០១គ្រឿងបើកបុករះករណីបានកើតឡើងកាលវេលាម៉ោង០៤និង៤០នាទីល្ងាច ថ្ងៃទី២៧ ខែកក្កដា ឆ្នាំ២០២៤ ស្ថិតនៅក្នុងតំបន់សេដ្ឋកិច្ចពិសេស ហ្គីហ្គា ស្វាយរៀង រីសត ភូមិដើមពោធិ ឃុំកណ្តៀងរាយ ស្រុកស្វាយទាប ។
បើតាមសម្ដីសន្តិសុខយាមនៅក្នុងតំបន់សេដ្ឋកិច្ចពិសេស ហ្គីហ្គាស្វាយរៀងរីសត បានឲ្យដឹងថា សពនារីរងគ្រោះមានឈ្មោះ រឿន ពីសី អាយុ១៧ឆ្នាំ មានទីលំនៅភូមិទួលសាលា ឃុំជ្រុងពពេល ស្រុករំដួល ខេត្ដស្វាយរៀង ហើយអ្វីគួរឲ្យអាណិតទៀតនោះ គឺនារីរងគ្រោះទើបតែភ្ជាប់ពាក្យបាន០៣ខែ និងមានគម្រោងរៀបអាពាហ៌ពិពាហ៌ នៅប៉ុន្មានខែខាងមុខ។
ប្រភពបន្តថា មុនពេលកើតហេតុ គេឃើញបងប្អូនកម្មករ-កម្មការិនី ប្រមាណជា២០ ទៅ៣០នាក់ កំពុងឈរ ចាំរថយន្ត ជិះត្រឡប់ទៅផ្ទះវិញ ស្រាប់តែមានរថយន្តដឹកកម្មករ ១គ្រឿង ម៉ាកហ៊ីយ៉ាន់ដាយ ពាក់ស្លាកលេខ ភ្នំពេញ 3E-0377 ពណ៌លឿង បើកបរដោយបុរសម្នាក់ក្នុងល្បឿនលឿន ខ្វះការប្រុងប្រយត្ន័បានបុកពន្នូតកាត់ថ្នល់ នៅក្នុងតំបន់សេដ្ឋកិច្ចពិសេស ហ្គីហ្គាស្វាយរៀងរីសត ហោះផ្លោង រេចង្កូតឡើងលើចិញ្ចើមថ្នល់ បុករះទៅលើកម្មករ-កម្មការនី ដែលកំពុងឈរចាំរថយន្ត ហើយកិនពីលើនារីម្នាក់ជាប់ បណ្តាលឲ្យស្លាប់ភ្លាមៗ នៅខាងក្រោមរថយន្ត និងកម្មករ-កម្មការនី ប្រមាណជាង១០នាក់ផ្សេងទៀត បណ្តាលឲ្យរងរបួសធ្ងន់និងស្រាល ចំណែករថយន្ត បានបុកផ្ទប់ជាប់ និងដើមឈើ ទៅមុខលែងរួច ។
ប្រភពដដែលអោយដឹងទៀតថា នៅក្នុងតំបន់សេដ្ឋកិច្ចពិសេស ថៅកែរបាន ដាក់បទបញ្ជា មិនអនុញ្ញាតឲ្យអ្នកបើកររថយន្ត ដឹកកម្មករគ្រប់ប្រភេទ បើកបរក្នុងល្បឿនលឿនទេ បើមានអ្នកបើកបររថយន្តណាម្នាក់ បើកលឿន ត្រូវចាប់ផាកពិន័យ ក៏ប៉ុន្តែមុនពេលកើតហេតុ មានភ្លៀងធ្លាក់ស្រាប់តែជនបង្ក បានបើករថយន្ត ក្នុងទិសដៅពីជើង ទៅត្បូង ក្នុងល្បឿនលឿន បានបុកពន្នូតកាត់ថ្នល់ ក៏ហោះផ្លោងរេចង្កូតទៅខាងឆ្វេង បុករះកម្មករ-កម្មការិនី តែម្ដង ។ ចំណែកអ្នកបើកបររថយន្ត គៀបជាប់នៅក្នុងកាប៊ីនរថយន្ត រងរបួសធ្ងន់ ។
អ្នកបើកបរ មានឈ្មោះ ប៉ុន សូនី ភេទប្រុស អាយុ ៣៦ឆ្នាំ មុខរបរ បើកបរ រស់នៅ ភូមិតានូ ឃុំចំបក់ ស្រុកស្វាយជ្រំ ខេត្តស្វាយរៀង ។
ក្រោយកើតហេតុ សមត្ថកិច្ចបានហៅរថយន្តសាម៉ុយ ដឹកអ្នករបួសទៅមន្ទីរពេទ្យជីភូ ខ្លះទៅមន្ទីរពេទ្យបង្អែកស្រុកស្វាយទាប ហើយអ្នកខ្លះ ដឹកតាមម៉ូតូ ទៅមន្ទីរពេទ្យស្រុកស្វាយទាប ដើម្បីសង្គ្រោះ ។ ចំណែកសពនារីរងគ្រោះ សមត្ថកិច្ចបានដឹកតាមរថយន្ត យកទៅប្រគល់ជួនក្រុមគ្រួសារ ធ្វើបុណ្យតាមប្រពៃណី ។
ករណីគ្រោះថ្នាក់ចរាចរណ៍នេះសមត្ថកិច្ចធ្វើការសនសន្និដ្ឋាន ថា មូលហេតុអ្នកបើកបរបើកក្នុងល្បឿនលឿន ខ្វះការប្រុងប្រយត្ន័
បច្ចុប្បន្ន រថយន្តខូចខាតធ្ងន់ សមត្ថកិច្ចយកទៅរក្សាទុកនៅអធិការដ្ឋាននគបាលស្រុកស្វាយទាប ដើម្បីដោះស្រាយតាមនីតិវិធី ៕
