បាត់ខ្លួនពីផ្ទះ៧ថ្ងៃប្រទះឃេីញស្លាប់អណ្ដែតក្នុងប្រឡាយទឹកស្អុយ

ភ្នំពេញ៖ ប្រជាពលរដ្ឋប្រទះឃើញសាកសពបុរសម្នាក់ អណ្ដែតក្នុងទឹកប្រឡាយហើមស្អុយរលួយ
ហេតុការណ៍នេះបានបង្កឲ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចកាលពីវេលាម៉ោង៧និង៣០ នាទីព្រឹកថ្ងៃទី១៥ខែតុលាឆ្នាំ២០១៨ នៅត្រង់ចំណុច ប្រឡាយទឹកស្អុយក្រោយវត្តទួលអស់លោក ក្រុមទី ១៣ភូមិក្រោគោ សង្កាត់គីឡូម៉ែត្រលេខ៦ ខណ្ឌ ឫស្សីកែវ រាជធានីភ្នំពេញ ។

សាកសពជនរងគ្រោះមានឈ្មោះ ចិន រតន: ភេទ ប្រុស អាយុ៤៣ឆ្នាំ ជនជាតិខ្មែរ មុខរបរនៅផ្ទះ​ ស្នាក់ នៅផ្លូវបេតុងវត្តទួល ក្រុមទី១១ ភូមិក្រោគោល សង្កាត់គីឡូម៉ែត្រលេខ៦ ខណ្ឌឫស្សីកែវ។

បើតាមប្រភពព័ត៌មានពីក្រុមគ្រួសារជនរងគ្រោះបានអោយដឹងថា បុរសរងគ្រោះបានបាត់ខ្លួនពីផ្ទះកាលពីថ្ងៃទី៩ ខែតុលាមកម្លេះហើយក្រុមគ្រួសារបានព្យាយ នាំគ្នាដេីររកដែរតែរកមិនឃេីញហើយក្រុមគ្រួសារ បានទៅដាក់ពាក្យបណ្ដឹងនៅប៉ុស្តិ៍នគរបាលគីឡូម៉ែត្រលេខ៦ លុះនៅព្រឹកថ្ងៃកេីតហេតុក៏ត្រូវបាន ត្រូវបាន ប្រជាពលរដ្ឋប្រទះឃេីញសាកសពជនរងគ្រោះស្លាប់អណ្ដែតក្នុងទឹកប្រឡាញក្នុងសភាពហេីមស្អុយរលួយទេីបមានការភ្ញាក់ផ្អើល ។
ប្រភពបន្តទៀតថាជនរងគ្រោះតែងតែផឹកស្រាស្រវឹងស្ទេីជារៀងរាល់ថ្ងៃ ចំពោះការស្លាប់នេះត្រូវបានគេ សង្ស័យថាជនរងគ្រោះស្រវឹងស្រាដេីរធ្លាក់ទឹក ប្រឡាយលង់ស្លាប់ ។

ក្រោយកើតហេតុសមត្ថកិច្ចមូលដ្ឋានសហកាជាមួយ សមត្ថកិច្ចជំនាញចុះទៅកន្លែងកើតហេតុពិនិត្យនិងធ្វើ កោសល្យវិច្ឆ័យសាកសពរួចបានបញ្ជាក់ថាសពពិតជាស្លាប់ដោយសារលង់ទឹកពិតប្រាកដមែននិងបានធ្វើ កំណត់ហេតុប្រសាកសពឲ្យក្រុមគ្រួសារយកទៅធ្វើបុណ្យតាមប្រពៃណី ៕