ជនសង្ស័យជាមុខសញ្ញាជួញដូរគ្រឿងញៀន៤នាក់ត្រូវបានសមត្ថកិច្ចឃាត់ខ្លួន
កណ្ដាល៖ កម្លាំងសមត្ថកិច្ចស្រុកខ្សាច់កណ្ដាលឃាត់ ខ្លួនជនសង្ស័យដែលជាមុខសញ្ញាជួញដូរគ្រឿងញៀន យ៉ាងសកម្មចំនួន៤នាក់
ហេតុការណ៍នេះបានកើតឡើងកាលពីវេលាម៉ោង០៥ និង៣០នាទីល្ងាចថ្ងៃទី២៧ខែតុលាឆ្នាំ២០១៨នៅ ចំណុច ភូមិព្រែកតាទេព ឃុំព្រែកលួង ស្រុកខ្សាច់កណ្តាល ខេត្តកណ្តាល ។
សមត្ថកិច្ចបានឲ្យដឹងថាជនសង្ស័យដែលឃាត់ខ្លួនមាន៖
ទី១-ឈ្មោះ មាន ម៉ង់ ហៅពែក ភេទប្រុស អាយុ ៣២ ឆ្នាំ មុខរបរ លក់ថ្នាំញៀន ជនជាតិខ្មែរ មានទីលំនៅភូមិព្រែកដូនហែម ឃុំព្រែកអំពិល ស្រុកខ្សាច់កណ្តាល ខេត្តកណ្តាល ។
២-ឈ្មោះ ឌុល តារា ហៅអាពិត ភេទប្រុស អាយុ ២០ឆ្នាំ មុខរបរ លាងម៉ូតូ ជនជាតិខ្មែរ មានទីលំនៅភូមិព្រែកដូនហែម ឃុំព្រែកអំពិល ស្រុកខ្សាច់កណ្តាល ខេត្តកណ្តាល ។
៣-ឈ្មោះ ព្រំ ធារិទ្ធ ហៅសាក់ ភេទប្រុស អាយុ ២០ឆ្នាំ មុខរបរ កម្មករជាងផ្សារដែក មានទីលំនៅភូមិព្រែកអំពិល ឃុំព្រែកអំពិល ស្រុកខ្សាច់កណ្តាល ខេត្តកណ្តល ។
៤-ឈ្មោះ ផល្លឹង សុភាព ភេទប្រុស អាយុ ១៩ឆ្នាំ មុខរបរ កម្មករជាងស្ទួចផ្ទះ នៅភូមិព្រែកដូនហែម ឃុំព្រែកអំពិល ស្រុកខ្សាច់កណ្តាល ខេត្តកណ្តាល ។
បច្ចុប្បន្នជនសង្ស័យទាំង៤នាក់រួមនិងវត្ថុតាងត្រូវបានសមត្ថកិច្ចសាកសួរនិងកសាងសំណុំរឿងដើម្បីបញ្ជួន ទៅតុលាការចាត់ការបន្ត ៕
