លួចបានវាគ្រាន់តែដល់ពេលម្ចាស់គេទាន់ប្ដឹសមត្ថកិច្ចចាប់វៃខ្នោះ

ភ្នំពេញ៖ ជនសង្ស័យម្នាក់បានធ្វើសកម្មភាពលួចយក រថយន្តមួយគ្រឿងបានសម្រេច និងរក្សាទុកអស់រយះពេល៣ថ្ងៃ ទើបម្ចាស់តាមរកឃើញនៅទល់មុខមន្ទីរ ពេទ្យព្រះអង្គឌួង ក៏ប្តឹងសមត្ថកិច្ចឲ្យជួយអន្តរាគមន៍ នឹងឡោមព័ទ្ធចាប់បានជនសង្ស័យម្នាក់ភ្លាមៗ នៅវេលា ម៉ោង៧ និង៣០នាទីយប់ ថ្ងៃទី៣០ ខែតុលា ឆ្នាំ២០១៨ នៅតាមបណ្ដោយផ្លូវ១១៨ កែងផ្លូវព្រះនរោត្ដម ( ទល់មុខមន្ទីពេទ្យអង្គឌួង ) ស្ថិតក្នុងសង្កាត់ផ្សារចាស់ ខណ្ឌដូនពេញ រាជធានីភ្នំពេញ។

តាមប្រភពព័ត៌មានពីជនរងគ្រោះដែលជាម្ចាស់រថយន្តបានប្រាប់ឲ្យដឹងថា រថយន្តរបស់គាត់ម៉ាក ហាយឡែនឌ័រ ពណ៌ខ្មៅ ពាក់ស្លាក់លេខ ភ្នំពេញ 2M-5759 ត្រូវជនសង្ស័យលួចយកនៅវេលាម៉ោង៣ទាបភ្លឺឈានចូលថ្ងៃទី២៧ ខែតុលា ឆ្នាំ២០១៨ ត្រង់ចំណុចមុខផ្ទះជនរងគ្រោះ ដែលស្ថិតនៅសង្កាត់ទួលសង្កែទី១ ខណ្ឌឬស្សីកែវ លុះមកដល់នៅរសៀល ថ្ងៃទី៣០ ខែតុលា ឆ្នាំ២០១៨ ក៏ប្រទះឃើញរថយន្តម៉ាកហាយឡែនឌ័រ ពណ៍ខ្មៅដែលបិទស្កុតពណ៍ស ពាក់ស្លាក់ លេខភ្នំពេញ 2.AH 1637 ជាស្លាក់លេខក្លែងក្លាយ ចតទុកចោលនៅតាមបណ្ដោយផ្លូវ១១៨ កែងផ្លូវ នរោត្ដម ( ទល់មុខមន្ទីពេទ្យអង្គឌួង ) សង្ស័យគាត់ក៏ យកតេឡេ រថយន្តចុចសាកមើលស្រាប់រថយន្តនោះលោតភ្លើងសញ្ញា ហើយក៏យកកូនសោរទៅចាក់ទ្វាររថយន្តគឺប្រាកដណាស់ជារថយន្តរបស់គាត់ ទើបប្ដឹងសម្ថកិច្ចចុះមកដល់ទីតាំងកើតហេតុខាងលើ រួចបានឡោមព័ទ្ធចាប់បានជនសង្ស័យម្នាក់ភ្លាមៗផងដែរ។

ក្រោយពេលកើតហេតុ កម្លាំងសមត្ថកិច្ចជំនាញបាន នាំខ្លួនជនសង្ស័យព្រមទាំងវត្ថុតាង ទៅការិយាល័យ ព្រហ្មទណ្ឌក្រុងនៃស្នងការនគរបាលរាជធានីភ្នំពេញដើម្បីចាត់ការបន្តតាមនីតិវិធីច្បាប់៕