រន្ឋត់ណាស់គ្រោះថ្នាក់ចរាចរណ៍ស្លាប់មួយគ្រួសារ

ឧត្តរមានជ័យ៖ ហេតុការគ្រោះថ្នាក់ចរាចរណ៍គួរឲ្យរន្ធត់មួយបានកើតឡើងនៅតាមបណ្ដោយផ្លូវជាតិលេខ៦៨ចន្លោះគីឡូម៉ែត្រលេខ៧៩-៨០ត្រង់ចំណុចភូមិកណ្ដែកសង្កាត់ សំរោងក្រុងសំរោងខេត្តឧត្ដរមានជ័យ បណ្ដាលមនុស្សប្រុស ស្រីចំនួន៤នាក់បានស្លាប់បាត់បង់ជីវិត ។
ហេតុការណ៍គួរឲ្យសង្វេកនេះបានកើតឡើងកាលពីវេលា ម៉ោង ១២និង៣០នាទីរសៀលថ្ងៃទី១៤ខែឧសភា ឆ្នាំ២០១៨ ។

យោងតាមប្រភពព័ត៌មាននៅ​កន្លែងកើតបានឲ្យដឹងថាមុន ពេល​កើតហេតុ គេ​ឃើញ​រថយន្ត​កាមរី​បា​ឡែ​នមួយគ្រឿង​ស្លាក​លេខ ភ្នំពេញ 2K 6462 បើក​បរតាមបណ្ដោយផ្លូវជាតិលេខ៦៨ទិសដៅពីជើងទៅត្បូងក្នុង​ល្បឿន​យ៉ាងលឿនមិនបានប្រុងប្រយត្ន័ ខណៈមកដល់ចំណុច​ផ្លូវ​កោងដែលជាកន្លែង​យកចង្កូតមិនទាន់​ក៏បាន​ជ្រុល​ចូលចំណែក​ផ្លូវ ម្ខាងទៀតបណ្ដាលឲ្យបុក​ម៉ូតូ​ម៉ាកហុងដា​ឌ្រី​មសេ125​មួយគ្រឿងពេញទំហឹង ដែលពាក់​ស្លាក​លេខ​ខេត្ត​ឧ​ត្ត​រ​មានជ័យ 1D.5202ដែលបើកបរបញ្ច្រាសទិសគ្នាដែលដឹកប្រពន្ធនិងប្រុសស្រី ២នាក់ទៀតបណ្ដាលឲ្យស្លាប់ភ្លាមៗទាំង៤នាក់ឪពុកម្ដាយនិងកូនប្រុសស្រីនៅនិងកន្លែងកើតហេតុយ៉ាងអាណោចអធម៌ ។

ក្រោយកើតហេតុសមត្ថកិច្ចមូលដ្ឋានសហការណ៍ជាមួយជំនាញចុះមកធ្វើកំណត់ហេតុរួចប្រគល់សពជនរងគ្រោះឲ្យ ទៅសាច់ញាតិយកធ្វើតាមប្រពៃណី ។ ដោយឡែករថយន្តបង្កនិងម៉ូតូជនរងគ្រោះត្រូវបានសមត្ថកិច្ចធ្វើការវាស់វែងយក ទៅរក្សាទុកនៅស្នងការដ្ឋាន​នគរបាល​ខេត្ត​ឧ​ត្ត​រ​មានជ័យរង ចាំដោះស្រាយតាមផ្លូវច្បាប់ ៕