គេចខ្លួន៣ថ្ងៃនគរបាលស្រាវជ្រាវឃាត់ខ្លួនបានម្នាក់
ភ្នំពេញ៖ ជនសង្ស័យម្នាក់លួចម៉ូតូបានសម្រេចរួចគេចខ្លួន៣ថ្ងៃ ត្រូវសមត្ថកិច្ចប៉ុស្តិ៍ឬស្សីកែវឃាត់ខ្លួនបានកាលពីវេលាម៉ោង៩និង៣០នាទីព្រឹកថ្ងៃទី២៦ខែធ្នូឆ្នាំ២០១៨នៅផ្លូវជាតិលេខ៥ ក្រុមទី២០ ភូមិសាមគ្គី សង្កាត់ឬស្សីកែវ ខណ្ឌឬស្សីកែវ រាជធានីភ្នំពញ។
ជនសង្ស័យមានឈ្មោះ ឈិន គឹមឡុង ភេទប្រុសអាយុ១៩ឆ្នាំមុខរបរមិនពិតប្រាកដ ស្នាក់នៅផ្ទះជួលផ្លូវបេតុងក្រុម៩ភូមិសាមគ្គីសង្កាត់ឬស្សីកែវ (មានសារសាតុញៀន ជាមុខសញ្ញាចាស់ធ្លាប់ជាប់ពន្ធនាគារ)។
សមត្ថកិច្ចឲ្យដឹងថានៅថ្ងៃទី២៣ខែធ្នូឆ្នាំ២០១៨ នៅចំណុចផ្ទះជួល ផ្លូវបេតុង ក្រុុមទី០៧ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មានករណីបាត់ម៉ូតូមួយគ្រឿងដែលម្ចាស់ម៉ូតូឈ្មោះ ស្ងួន ហ៊ត់ ភេទប្រុស អាយុ៤៧ ឆ្នាំ មានទីលំនៅកន្លែងកេីតហេតុ មុខរបររលក់ដូរ ក្រោយទទួលបណ្តឹងពីជនរងគ្រោះ កំលាំងសមត្ថកិច្ចបានបេីកការស្រាវជ្រាវស៊េីបអង្កេតកំណត់បានអត្តសញ្ញាណជនសង្ស័យ លុះដល់ម៉ោងខាងលេីក៏បានឃាត់ជនសង្ស័យតែម្តង។
សំភារៈដកហូតមានម៉ូតូ ០១គ្រឿង ម៉ាកហុងដាសេ១២៥ ពណ៌ខ្មៅ សេរីឆ្នាំ២០១២ ពាក់ស្លាកលេខ ភ្នំពេញ 1BL-1916បានប្រគល់ជូនម្ចាស់វិញ។
ជនសង្ស័យត្រូវបានបញ្ជូនទៅអធិការដ្ឋាននគរបាលខណ្ឌឬស្សីកែវកសាងសំណុំរឿងបញ្ចូនតាមនីតិវិធី៕
