ជនសង្ស័យ៣នាក់លួចម៉ូតូបានមួយថ្ងៃត្រូវសមត្ថកិច្ចប៉ុស្ដិ៍ស្ទឹងមានជ័យទី៣ចាប់ខ្លួន

ភ្នំពេញ៖ កម្លាំងសមត្ថកិច្ចប៉ុស្ដិ៍នគរបាលស្ទឹងមានជ័យ៣ធ្វើ ការឃាត់ខ្លួនជនសង្ស័យ៣នាក់ក្រោយលួចកាច់សោ.កម៉ូតូបានសម្រេចមួយថ្ងៃ ហើយជនរងគ្រោះបានទៅដាក់ពាក្យបណ្ដឹងដើម្បីឲ្យសមត្ថកិច្ចជួយអន្តរាគមន៍
ហេតុការណ៍ឃាត់ខ្លួននេះបានធ្វើកាលពីវេលាម៉ោង៣និង ៣០ នាទីរសៀលថ្ងៃទី១៦ខែឧសភា ឆ្នាំ២០១៨ នៅចំណុចផ្លូវលំ ភូមិដំណាក់ធំ២សង្កាត់ស្ទឹងមានជ័យ៣ខណ្ឌមានជ័យ ។

លោក ឯម ភារី នាយប៉ុស្ដិ៍នគរបាលរដ្ឋបាលស្ទឹងមានជ័យ៣ បានឲ្យដឹងថាជនសង្ស័យទី១មាន ឈ្មោះ អ៊ឹម ម៉ាលីហៅម៉ាប់ ភេទប្រុស អាយុ១៨ ឆ្នាំមុខរបរមិនពិតប្រាកដ ស្នាក់នៅម្ដុំសង្កាត់ស្ទឹងមានជ័យ២ ខណ្ឌមានជ័យ ។ទី២ឈ្មោះ ធឿន សុខហេង ភេទប្រុសអាយុ១៨ ឆ្នាំមុខរបរ កម្មករសំណង់ ស្នាក់នៅម្ដុំសង្កាត់ស្ទឹងមានជ័យ ខណ្ឌមានជ័យ ។ និងទី៣ឈ្មោះ អ៊ឹម ថន ហៅ ពៅ ភេទប្រុស អាយុ៣៨ ឆ្នាំមុខរបរ ស្នាក់នៅមិនពិតប្រាកដ ។ ចំណែកជនរងគ្រោះមានឈ្មោះ ម៉ង សាម៉ុច ភេទប្រុស អាយុ២២ ឆ្នាំមុខរបរ កម្មករសំណង់ ស្នាក់នៅផ្ទះជួល ផ្លូវលំ ភូមិត្រពាំងថ្លឹង សង្កាត់ ចោមចៅទី១ ខណ្ឌពោធិ៍សែនជ័យ ។

លោកនាយប៉ុស្តិបានបន្ដទៀតថា កាលពីថ្ងៃទី១៤ ខែឧសភា ឆ្នាំ២០១៨ជនរងគ្រោះបានជិះម៉ូតូមួយគ្រឿងម៉ាក ហុងដាឌ្រីម ដែលពាក់ស្លាកលេខភ្នំពេញ1BV-0589 ចេញពីផ្ទះជួលភូមិត្រពាំងថ្លឹង ទៅលេងផ្ទះបងប្អូនជីដូនមួយនៅភូមិដំណាក់ធំ២ សង្កាត់ស្ទឹងមានជ័យ៣ រួចក៏ទុកម៉ូតូមុខបន្ទប់ហើយបាននាំគ្នាចូលក្នុងបន្ទប់មួយស្ទុះក្រោយមកចេញមកមើលម៉ូតូក៏ឃើញជនសង្ស័យទាំង៣នាក់លួចសោរម៉ូតូរបស់ខ្លួនបានសម្រេច យកទៅលក់អោយបុរសម្នាក់មិនស្គាល់ឈ្មោះនៅជិតផ្សារអង្គតាសោម ខេត្ដតាកែវ ក្នុងតម្លៃ៣៥០ដុល្លារ រួចនាំគ្នាចែក លុយយកទៅទិញថ្នាំញៀនជក់អស់ ។ លុះដល់វេលាខាងលើក៏ត្រូវសមត្ថកិច្ចធ្វើការឃាត់ខ្លួននៅចំណុចផ្ទុះជួល ភូមិដំណាក់ធំ២ ខណ្ឌមានជ័យ យកទៅធ្វើការសាកសួរតែម្ដង ។

បច្ចុប្បន្នជនសង្ស័យទាំង៣នាក់ត្រូវបានសមត្ថកិច្ចប៉ុស្តិនគរ បាលស្ទឹងមានជ័យ៣កំពុងសាកសួរនិងកសាងសំណុំរឿងបញ្ជួនទៅអធិការខណ្ឌមានជ័យដើម្បីចាត់ការបន្តតាមផ្លូវច្បាប់ ៕