កូនស្រីថៅកែលក់ត្បូងនិងគ្រឿងអលង្ការចង.កសម្លាប់ខ្លួនក្នុងផ្ទះភ្ញាក់ផ្អើលទាំងព្រឹក
ភ្នំពេញ៖ នារីម្នាក់ជាកូនថៅកែលក់ត្បូងនិងគ្រឿងអលង្ការ ចង.កសម្លាប់ខ្លួនក្នុងផ្ទះដោយមិនដឹងមូលហេតុ បង្កការណ៍ភ្ញាក់ផ្អើលកាល វេលាម៉ោង៨ព្រឹក ថ្ងៃទី១០ខែមករា ឆ្នាំ២០១៩ នៅចំណុចផ្លូវ៤៥០ សង្កាត់ទួលទំពូងទី១ ខណ្ឌចំការមន ។
នារីរងគ្រោះមានឈ្មោះ អៀន រ័ត្នឆវី អាយុ២៨ ឆ្នាំមុខរបរ បុគ្គលិកសាលារៀនឯកជន ស្នាក់នៅផ្ទះកើតហេតុ ។
បើតាមរបាយការណ៍របស់សមត្ថកិច្ចបានឲ្យដឹងថានៅវេលាម៉ោង៣និង០០នាទីរសៀលថ្ងៃទី០៩ ខែមករា ឆ្នាំ២០១៩ ជនរងគ្រោះបានមកពីលេងផ្ទះម្ដាយនៅបែកចានហើយក៏បានសម្ងំក្នុងបន្ទប់រហូតដល់ម៉ោង០៥ល្ងាចថ្ងៃដដែលជនរងគ្រោះបានឲ្យអ្នកនៅជាមួយ២នាក់រៀបចំឥវ៉ាន់បិទទ្វារចូលផ្ទះដើម្បីសម្រាកហើយជនរងគ្រោះបានចូលដេកក្នុងបន្ទប់ជាន់ផ្ទាល់ដី ។ លុះដល់វេលាម៉ោងកើតហេតុអ្នកនៅជាមួយ២នាក់ចុះមកក្រោមក៏ប្រទះឃើញជនរងគ្រោះចង.កជាមួយក្រមាជាប់បង្កាន់ដៃ(ដែក)កាំជណ្ដើរស្លាប់បាត់បង់ជីវិតទៅហើយ ។ ភ្លាមៗនោះក៏បានរាយការណ៍ជូនសមត្ថកិច្ចមូលដ្ឋានចុះទៅពិនិត្យ ហើយទាក់ទងសមត្ថកិច្ចជំនាញមកពិនិត្យនិងធ្វើកោសល្យវិច្ឆ័យរួចបញ្ជាក់ថានារីរងគ្រោះពិតជាស្លាប់ដោយសារចង.កខ្លួនឯងពិតប្រាកដមែន ។
ក្រោយមកសមត្ថកិច្ចបានធ្វើកំណត់ហេតុប្រគល់សពជនរងគ្រោះទៅឲ្យក្រុមគ្រួសារយកទៅធ្វើបុណ្យតាមប្រពៃណី ៕
