សមត្ថកិច្ចខណ្ឌមានជ័យនិងប៉ុស្តិចាក់អង្រែលើឃាត់ខ្លួនជនសង្ស័យ២នាក់ដកហូតថ្នាំងញៀន៥៣កញ្ចប់
ភ្នំពេញ ៖ កម្លាំងនគរបាលខណ្ឌមានជ័យ សហការជាមួយកម្លាំងប៉ុស្តិ៍ចាក់អង្រែលើ បានធ្វេីការស្រាវជ្រាវ និងឃាត់ខ្លួនមុខសញ្ញាជួញដូរគ្រឿងញៀនម្នាក់ ដកហូតថ្នាំញៀន៥០កញ្ចប់តូច ហេីយឃាត់ខ្លួនជនសង្ស័យម្នាក់ទៀត បន្ទាប់ពីសុំធ្វេីការឆែកឆេរ ឃេីញមានគ្រឿងញៀន៣កញ្ចប់តូច រួចបញ្ជូនទៅប៉ុស្តិ៍នគរបាលចាក់អង្រែលេីដេីម្បីធ្វេីការសាកសួរ ការឃាត់ខ្លួននេះធ្វេីឡេីងនៅវេលាម៉ោង០៩:៣០នាទីព្រឹក ទី១៤ ខែមករា ឆ្នាំ២០១៩ នៅចំណុចសំណង់រៀបរយ(វាលខ្សាច់) ផ្លូវ៦០ម៉ែត្រ ក្រុមទី៨ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ ។
ជនសង្ស័យដែលសមត្ថកិច្ចឃាត់ខ្លួនទាំង២នាក់មានឈ្មោះឯក ឌីម ភេទស្រី អាយុ២០ឆ្នាំ ស្នាក់នៅកន្លែងកេីតហេតុនិងម្នាក់ទៀតមាន ឈ្មោះ នុត ចន្ថា ភេទប្រុស អាយុ២១ឆ្នាំស្នាក់នៅការដ្ឋានសំណង់ សង្កាត់ស្ទឹងមានជ័យ ខណ្ឌមានជ័យ និងមានស្រុកកំណេីតនៅឯខេត្តស្វាយរៀង។
លោក អុំ រតនា នាយប៉ុស្តិនគរបាលចាក់អង្រែលើ បានប្រាប់ឲ្យ ដឹងថា នៅមុនពេលបង្ក្រាប កម្លាំងល្បាតប៉ុស្តិ៍នគរបាលចាក់អង្រែលើ សហការជាមួយនឹង កម្លាំងអធិការនគរបាលខណ្ឌមានជ័យ បានធ្វេីការស្រាវជ្រាវ និងឃាត់ខ្លួនមុខសញ្ញាជួញដូរគ្រឿងញៀន ដោហធ្វេីការត្រួតពិនិត្យ ឆែកឆេរ ដោយរកឃើញ ក្រាមពណ៍សថ្លា (សង្ស័យជាគ្រឿងញៀន)៥០កញ្ចប់ថង់តូច ស្របពេលជាមួយគ្នានោះ កម្លាំងបានធ្វេីការឃាត់ខ្លួនជនសង្ស័យម្នាក់ទៀត បន្ទាប់ពីសុំធ្វេីការឆែកឆេរ ឃេីញមានគ្រឿងញៀន៣កញ្ចប់តូច ហេីយកម្លាំង
សមត្ថកិច្ចក៍បានឃាត់ខ្លួនជនសង្ស័យប្រុសស្រីទាំងពីរនាក់ យកមកសាកសួរនៅស្នាក់ការនគរបាលប៉ុស្តិ៍ចាក់អង្រែលើ តែម្តង ។
បច្ចុប្បន្នជនសង្ស័យទាំង២នាក់ខាងលើ រួមទាំងវត្ថុតាង ត្រូវបានបញ្ជូនទៅឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ជូនទៅតុលាការចាត់តាមនីតិវិធី ៕
